Bul eńbek naryǵyndaǵy máseleni kúrdelendirip jiberedi.
«Ashyq» NQA portalynda jarıalanǵan Eńbek naryǵyn damytýdyń 2028 jylǵa deıingi keshendi josparynda osylaı jazylǵan, dep habarlaıdy Almaty-akshamy.kz QazAqparatqa silteme jasap.
«2028 jylǵa deıin naryqtaǵy jaǵdaı áıelderdiń zeınetkerlik jasyn arttyrýdy toqtata turýdyń arqasynda aıtarlyqtaı kúrdeli emes. Alaıda, 2028 jyldan bastap áıelderdiń zeınetkerlik jasyn arttyrýdy qaıta bastaý josparlanýda. Bul egde jastaǵy áıelderdiń jumysqa qabilettilik merzimin uzartýǵa keledi. Jas jumys kúshiniń ósýimen birge bul eńbek naryǵyndaǵy jaǵdaıdy kúrt nasharlatady», - delingen qujatta.
Osy túıtkilderdi aldyn ala sheshý maqsatynda Eńbek jáne halyqty qoraǵaý mınıstrigi Eńbek naryǵyn damytýdyń 5 jyldyq josparyn bekitýdi usynyp otyr.