Túkpir-túkpirden jınalǵan fermerler men baǵbandar azot qaldyǵyn qysqartý sharalarynyń saldaryna Úkimet nazaryn aýdarý úshin traktorlarmen bas qalaǵa bara jatyr, dep habarlaıdy Almaty-akshamy.kz QazAqparat-qa silteme jasap.
Jalpy traktorlar tizbeginiń uzyndyǵy 15-20 shaqyrymǵa deıin sozylady degen boljam bar.
Sarapshylardyń pikirinshe, bul kóptegen mal fermasynyń kúıreýine ákeledi, sebebi eń kóp azot dál aýyl sharýashylyǵynda óndiriledi. «Azot kelisiminiń qazirgi nusqasy áleýmettik-ekonomıkalyq qarsylyq týdyrdy», - dep rastady aýyl sharýashylyǵy uıymdary.
Belgıanyń Boerenbond, ABS, Groene Kring, Jong ABS jáne Ferm voor Agrovrouwen aýylsharýashylyq qaýymdastyqtary búgin Brússelde iri narazylyq sharasyn uıymdastyrmaq. Olar 2 myńnan asa traktordy paıdalaný arqyly olar astanada azot kelisimine qarsy shyǵýdy kózdep otyr.
Sonymen qatar fermerler Flandrıanyń túkpir-túkpirinen Brússelge qaraı tańǵy qarbalas ýaqytta polısıa baqylaýyndaǵy tizbekpen júrýdi josparlap otyr. Flanmand Úkimeti kóptegen kelissózderden keıin áli de kelisimge kele almaǵanyna qaramastan, Belgıa aýylsharýashylyǵy óndirýshileri úshin azot qaldyǵy birden qysqarýy múmkin. Máselen, tabıǵı aımaqtarda olardyń kórsetkishi shamamen jartysynan kóp mólsherge deıin tómendeýi kerek.
Belgıanyń federaldy polısıasy kólik júrgizýshilerge juma kúni óńiraralyq joldarmen júrýden múmkindiginshe qashyp, poıyz nemese velosıped syndy kóliktiń balama túrlerin paıdalanýdy shaqyrdy.