Paıdalaný shegi - 60 mınýt.
TikTok balalar men jasóspirimderge arnalǵan servısti paıdalaný ýaqytyn shekteý týraly sheshim qabyldady, dep habarlaıdy Almaty-akshamy.kz
Jańa múmkindikterdiń engizilgeni týraly vıdeohostıngtiń saıtynda habarlandy.
"Aldaǵy aptalarda 18 jasqa tolmaǵan paıdalanýshyǵa tıesili árbir akkaýntta avtomatty túrde kúnine 60 mınýt shekteý ornatylady", - delingen habarlamada.
Bul shekteýge jetkende, jasóspirimderge sholýdy jalǵastyrý úshin ruqsat kodyn engizý suralady. Standartty 60 mınýtqa qanaǵattanbaıtyn jasóspirimder úshin áleýmettik jeli kúndelikti ekran ýaqytyn kúnine 100 mınýtqa deıin ornatýdy usynady.
13 jasqa tolmaǵan balalar ata-anasynyń nemese qamqorshysynyń ruqsatymen ǵana áleýmettik jelini 60 mınýttan astam qaraı alady. Sońǵysy 30 mınýt qosymsha ýaqytqa ruqsat alýy úshin arnaıy kodty ornatýy nemese engizýi kerek.
TikTok sarapshylarmen keńeskennen keıin shekti 60 mınýtqa ornatqanyn aıtty.
Buǵan deıin áleýmettik jelilerdiń, sonyń ishinde TikTok servısiniń jetekshileri AQSH Kongresine shaqyrylyp, qyzmetkerler jas qoldanýshylarǵa keri áserin boldyrmaý úshin ne istep jatqany týraly esep berýdi talap etken.