Mınıstrlik 23-35 jas aralyǵyndaǵy jumyssyz jastar arasynan 12 myńnan astam qazaqstandyqqa SMS joldady.
Eńbek jáne halyqty áleýmettik qorǵaý mınıstrliginen halyqty jumyspen qamtýdy qamtamasyz etý salasyndaǵy qoldaý sharalary týraly aqparaty bar SMS-habarlamalardy alǵannan keıin 5 myńǵa jýyq qazaqstandyq Enbek.kz saıtyna kirip, birneshe júz adam sall-ortalyqqa qońyraý shalǵan, dep habarlaıdy Almaty-akshamy.kz Elorda.info saıtyna silteme jasap.
Qazirdiń ózinde 173 adam jumysqa ornalastyryldy: 50 – turaqty jumys oryndaryna, 123 – ýaqytsha jumys oryndaryna ornalasyp, 73-i kásipkerlik negizderine oqytýdy bastady.
SMS-habarlama alǵannan keıin belsendilik tanytpaǵan azamattarmen jumyspen qamtý ortalyqtarynyń qyzmetkerleri qosymsha baılanysyp, jumysqa ornalastyrý, oqytý, t.b. boıynsha qajetti qyzmetterdi alýdy usynýda.
«Jalpy memlekettik qoldaýdyń barlyq sharalary týraly aqparatty Enbek.kz portaly, halyqty jumyspen qamtý ortalyǵy nemese 1414 biryńǵaı baılanys ortalyǵy arqyly alýǵa bolady», - dep habarlady EHÁQM Halyqty jumyspen qamtý departamentiniń dırektory Asqar Nıazov.
Buǵan deıin habarlanǵandaı, osy jyldyń 13 aqpanynda mınıstrlik 23-35 jas aralyǵyndaǵy jumyssyz jastar arasynan 12 myńnan astam qazaqstandyqqa jumys izdeý, tegin oqýdan ótý jáne jumyspen qamtý salasyndaǵy basqa da memlekettik qoldaý sharalary týraly aqparaty bar SMS-habarlamalar joldady.