Akademık Tóregeldi Sharmanov atyndaǵy halyqaralyq qor densaýlyq saqtaý salasynda halyqaralyq syılyq taǵaıyndady, dep habarlaıdy almaty-akshamy.kz
Ondaǵy maqsat - medısına salasyn damytýǵa úles qosqan mamandardyń eńbegin atap ótý. Qordyń qamqorshylyq keńesiniń quramyna Oljas Súleımenov, Asanáli Áshimov, Murat Áýezov, Qýanysh Sultanov syndy belgili qoǵam qaıratkerleri men álemge áıgili qazaqstandyq dárigerler Iýrıı Pá men Serik Aqsholaqov kiredi.
Syılyqtyń alǵashqy nomınanttarynyń qatarynda AQSH-taǵy Djon Hopkıns ýnıversıtetiniń dárigerleri Devıd Bıshaı men Maıka Shlaıff, ınfeksıonıst mamandar Baqyt Kósherova jáne Amangúl Dúısenova bar. Olarǵa qor atynan 1 mln teńge kóleminde syılyq tabystaldy.
– Bul kúreske erekshe úles qosqan qazaqstandyq ǵalymdar men alǵashqy medısınalyq-sanıtarlyq kómek kórsetýde sheteldik azamattarǵa halyqaralyq syılyq taǵaıyndaldy. Sondyqtan osyndaı azamattardy kórip, sheteldik azamattardyń qoldap kelgenine ishteı qýanyp otyrmyn. Bizdiń ǵalymdardyń ósip, bul máselege qol jetimdilik jasaýǵa yqpal etken olardy da baǵalap, qor syılyǵyn taǵaıyndadym, - deıdi QR UǴA akademıgi Tóregeldi Sharmanov.