«Qazaqkonsert» ártisteri Shanhaı yntymaqtastyq uıymynyń 20-shy mereıtoılyq samıtiniń gala-konsertinde óner kórsetti, dep habarlaıdy almaty-akshamy.kz QazAqparat tilshisine silteme jasap.
Tájikstan, Ózbekstan, Pákistan, Qyrǵyzstan, Reseı, Qytaı jáne Úndistan ókilderi bas qosqan bul is-sharada otandyq ártister qazaq mádenıetin joǵary dárejede kórsete bildi.
«Ulttyq án óneriniń úzdik úlgilerin "Qazaqkonsert" solısi, Qazaqstannyń eńbek sińirgen qaıratkeri Erlan Rysqalı usyndy. Ánshi belgili kompozıtor Baýyrjan Aqtaevtyń óńdeýindegi «Moldabaıdyń áni» týyndysyn oryndady. B.Aqtaevtyń kórkemdik jetekshiligimen óner kórsetetin «Astana sazy» fólklorlyq ansambli de onyń «Arnaý» mýzykalyq shyǵarmasyn oryndap, jınalǵan qaýymdy tánti etti. Uly dala eliniń mádenı bolmysyn jetkize bilgen bul týyndy kópshiliktiń zor yqylasyna bólendi. Sondaı-aq sheteldik kórermender «Saltanat» memlekettik bı ansambliniń oryndaýyndaǵy bı kompozısıalaryn tamashalaı aldy», - dep atap ótedi "Qazaqkonsert" baspasóz qyzmetinen.
"Qazaqkonsert" ártisteri óz óneri arqyly SHYU-na múshe elderdiń arasyndaǵy yntymaqtastyq jáne dostyq qarym-qatynastyń nyǵaıýyna óz úlesin qosty. Shanhaı Yntymaqtastyq uıymynyń samıti aıasynda otandyq ártister endi 18 qyrkúıek kúni Tájikstannyń Bohtar qalasynda ótetin úlken konsertte óner kórsetpek.