Elimizde shahterlerdiń zeınetke shyǵý jasy qaıta qaralyp, naqtylanyp jatyr. Bul týraly Eńbek jáne halyqty áleýmettik qorǵaý mınıstri Tamara Dúısenova málim etti, dep habarlaıdy Almaty-akshamy.kz QazAqparatqa silteme jasap.
«Biz bul máseleni qarastyramyz. Sebebi zıandy eńbek jaǵdaılary bar, bul oraıda halyqaralyq tájirıbege súıenemiz. Mysaly, 15 jylǵa deıin zıandy jaǵdaıda jumys isteýge bolady. Odan ári densaýlyqqa zıan keltirmeýi úshin basqa jumysqa aýysýy kerek. Biz qazir shahterlerdiń áleýmettik qamsyzdandyrylýyna áser etetin jumystyń shekti kezeńin naqtylap jatyrmyz», - dedi Tamara Dúısenova Úkimet otyrysynan keıin BAQ ókilderiniń saýalyna jaýap bere turyp.
Sondaı-aq, vedomstvo basshysy shahterlerdiń 63 jasqa deıin jumys isteýi múmkin emestigimen kelisitinin aıtty.
Aıta keteıik, osy ýaqytqa eńbek daýlary men janjaldaryn sheshý tártibin ońaılatatyn zań qoldanysqa engenin jazǵan bolatynbyz.