«ArselorMıttal Temirtaý» AQ Kómir departamentiniń órt shyqqan «Qazaqstan» shahtasynan 224 adam evakýasıalandy, dep habarlaıdy Almaty-akshamy.kz.
Aldyn ala málimetke sáıkes, qaýipsiz jerge shyǵarylǵan 13 adam bas aýrýy men jótelge shaǵyndanǵan. Qazirgi ýaqytta 4 adam, onyń ishinde ekeýi Shahtınsk qalasynyń ortalyq aýrýhaansyna, taǵy ekeýi oblystyq medısınalyq ortalyqqa jatqyzyldy.
Oqıǵa ornynda Qaraǵandy oblysy ákiminiń birinshi orynbasary Vadım Basın men Shahtınsk qalasynyń ákimi Murat Qydyrǵanbekov júr.
Búgin saǵat 10:05-te «ArselorMıttal Temirtaý» AQ Kómir departamentiniń «Qazaqstan» shahtasynda konveıerlik taspa órtengenin habarlaǵan edik.
Sol kezde shahtada 227 adam bolǵan. Olar qaptal uńǵyma arqyly jer betine shyǵaryldy. Oqıǵa ornynda «Kásibı áskerılendirilgen avarıalyq-qutqarý qyzmeti» respýblıkalyq ortalyq shtabynyń jáne Tótenshe jaǵdaılar departamentiniń mamandary jumys istep jatyr. Órttiń shyǵý sebebi anyqtalý ústinde.