Búgin Óńirlik komýnıkasıalar qyzmetiniń alańynda kásibı rıeltorlardyń qatysýymen brıfıń ótti.
Qazaqstan Birikken Rıeltorlar Qaýymdastyǵy prezıdentiniń keńesshisi Nına Lýkánenko «sur» rıeltorlar nemese aqparattyq qyzmet kórsetý jónindegi mamandardy naǵyz rıeltorlardan qalaı ajyratýǵa bolady jáne turǵyn úı satyp alý týraly aıtyp berdi, dep habarlaıdy Almaty-akshamy.kz.
«Qazir jyljymaıtyn múlik naryǵynyń 80% - y ıpotekalyq nesıe tartý arqyly júzege asyrylady. Sondyqtan barlyǵyna «Otbasy bankindegi» jınaqtaý júıesine nazar aýdarýdy keńes beremin. Páterler qymbat desek te olardy satyp alý múmkin, ásirese quldyrap bara jatqan naryqta. Árıne, bul eshkimge qupıa emes, jaqyn arada toqyraý kútip turǵanyn boljap aıtqanmyn. Biz baǵanyń tómendeýin kórip otyrmyz», - dedi N. Lýkánenko.
Sarapshy qarajaty bar jáne páter satyp alǵysy keletinderge dál qazir naryqty baqylap otyrýdy usynady. Sonymen qatar, jańa ǵımarattarǵa qatysty usynystar berdi.
«Qazir qurylys salýshylar kelisim sharttarmen bári durys deýde. Biraq olaı emes. Baǵanyń naqty tómendeýin baıqaǵan kezde jarnamalyq usynystardyń sany men kólemin baıqaımyz. Birneshe qurlys salýshylar shilde aıynyń basynda aksıalar jarıalap - túngi jeńildikter jasady. Buny baǵa tómendeýi dep aıtpasaq endi qalaı ataımyz», - deıdi rıeltor.
Búgingi tańda kóptegen qurlys salýshylar banktermen birlese otyryp, bastapqy jarnany 10 paıyz etip, jeke baǵdarlamalar jasaýda.
Kóptegen qurylys kompanıalary bólip tóleýdi usynady. Eger buryn bólip tóleý qurylys aıaqtalǵanǵa deıin usynylsa, qazir 40 aıǵa deıin beriledi.
Sonymen qatar Nına Lýkánenko búginde halyqtyń barlyq sanattary úshin qol jetimdi ıpoteka kóp ekenin aıtty. Tek osy taqyrypty jaqsylap zertteý kerek.
«Qazir turǵyn úı naryǵynda suranystyń kóptiginen baǵanyń keri ketýi baıqalady. Turǵyn úı naryǵyn ne kútetinin uzaq merzimdi perspektıvamen qaraıtyn bolsaq, tabıǵı ósim, kóshi - qon ósimi, ınflásıa ósýde, sondyqtan meniń boljamym boıynsha aldaǵy 3-5 jylda páterlerdiń baǵasy áli de kóteriledi», - dep qorytyndylady ÓKQ spıkeri.