Shahmattan Qazaqstan qyzdar quramasy komandalyq álem chempıonatynyń kúmis júldegeri atandy, dep habarlaıdy Almaty-akshamy.kz «Shredınger sporty» Telegram-arnasyna silteme jasap habarlaıdy.
Fınalda qazaqstandyq shahmatshylar Grýzıa quramasyna jol berdi. Aqtyq kezeńniń alǵashqy machynda Qazaqstan – 1,5-2,5, ekinshi machynda – 0,5-3,5 esebimen jeńilip qaldy.
Ulttyq qurama sapynda Bıbisara Asaýbaeva, Ksenıa Balabaeva, Ásel Serikbaı, Merýert Kamalıdenova, Alýa Nurmanova jáne Ámına Qaıyrbekovalar óner kórsetti.
Qola medaldi Fransıa quramasy ıelendi. Olar úshinshi oryn úshin oıynda AQSH shahmatshylarynan aılasyn asyrdy.