Tanymal shahmatshylar Almaty oblysynda bas qosty.
Munda zıatkerlik oıynnyń klasıkalyq túrinen halyqaralyq týrnır bastaldy. Aıta ketý kerek, baıraqty báseke alǵash ret uıymdastyrylyp tur. Qarasaı aýdanynda ótip jatqan jarysqa AQSH, Ýkraına, Nıderlandy, Armenıa, Reseı, Qyrǵyzstan, Tájikstan jáne Qazaqstannan 200-den asa sportshy qatysyp jatyr. Aralarynda 12 birdeı grosmeıster bar. Buǵan qosa 20-dan asa halyqaralyq dárejedegi sport sheberi de bas júldege talasady. Týrnırge shaqyrtý alǵandardyń arasynda Gınnestiń rekordtar kitabyna engen AQSH grosmeısteri Tımýr Gareev, Búkilálemdik shahmat Olımpıadasynyń jeńimpazy ári Eýropa chempıony Aleksandr Moıseenko sıaqty sportshylar kezdesedi. Qazaqstannyń atynan álem chempıony Ksenıa Balabaeva, Azıa oıyndarynyń jeńimpazy Murtas Qajǵalıev jáne álemdik dodanyń júldegeri Ańsat Aldıarlar synǵa túsip jatyr. Halyqaralyq jarys aınalmaly jáne shveısar júıesi boıynsha ótedi.
- 12 adam grosmeıster ataǵyna talasady. Sonymen qatar ekinshi jarysymyz ótip jatyr. Ol «V» týrnıri dep atalady. Ol jerde klasıkalyq oıynnan 30-ǵa jýyq oıynshy qatysyp jatyr. Sonymen qatar «S» týrnıri bar. Ol jerde 200-den astam oıynshylar qatysyp, blıs túrinen jeńimpazdy anyqtap jatyr, - deıdi Qazaqstan shahmat federasıasynyń atqarýshy dırektory Gúlmıra Dáýletova.
- Qazaqstannyń shahmat federasıasynan osy týrnırge shaqyrtý alǵanyma qýanyshtymyn. Blıstegi alǵashqy oıynym óte tartysty ótti. Ol kezdesýde men jeńiske jettim. Endi klasıkalyq shahmatqa kirisip jatyrmyz. Bul – óte qıyn formattaǵy oıyndar. Óz basym halyqaralyq týrnırlerge úzdiksiz qatysýǵa tyrysamyn. Qarsylastarymnyń kóbi – jaqynda Máskeýde ótken týrnırden oralǵan qyz-jigitter. Sondyqtan bul – deńgeıi óte joǵary jarys, - dedi jarysqa qatysýshy Tımýr Gareev.