Laıyqty demalysqa shyǵaıyn dep jatyrsyz, biraq zeınetaqyny qalaı rásimdeý keregin jáne zeınetaqy tóleminiń mólsheri qandaı bolatynyn bilmeısiz be?
Bul suraqtarǵa biryńǵaı jınaqtaýshy zeınetaqy qory (BJZQ) jaýap berdi, - dep habarlaıdy almaty-akshamy.kz Tengrinews-ke silteme jasap.
Biryńǵaı jınaqtaýshy zeınetaqy qorynda 2024 jyly áıelder 61 jasta, erler 63 jasta zeınetke shyǵatynyn aıtty. Olar qazaqstandyqtardyń zeınetaqysy úsh bólikten turatynyn aıtty:
Bazalyq zeınetaqy – zeınet jasyna jetken barlyq qazaqstandyqtarǵa túsedi. Ol eńbek ótiline jáne jınaqtaýshy zeınet júıesine qatysý ótiline baılanysty.
2024 jyly bazalyq zeınetaqynyń mınımaldy mólsheri 28 215 teńgeni, maksımaldy – 45 578 teńgeni quraıdy.
Ortaq zeınetaqy – 1998 jyldyń 1 qańtaryna deıin eńbek ótili bar azamattarǵa tólenedi. Onyń mólsheri eńbek ótili men ortasha aılyq kirisine baılanysty. 2024 jyly mınımaldy ortaq zeınetaqy 57 853 teńgeni quraıdy.
Jınaqtaýshy zeınetaqy – azamattardyń jeke zeınetaqy jınaqtarynan tólenedi jáne ol olardyń jınaǵan quraldarynyń kólemine baılanysty. Jınaǵy qanshalyqty kóp bolsa, zeınetaqysy sonshalyqty kóp bolady.
Bolashaq zeınetaqyńyzdyń mólsheri shamamen qansha bolatynyn bilgińiz kelse, BJZQ saıtyndaǵy zeınetaqy kálkýlátoryn qoldanýǵa bolady:
"Mysaly, qazir jasyńyz 59-da, eńbek ótilińiz 1998 jylǵa deıin 9 jyldy quraıdy. Aıyna ortasha 200 myń teńge jalaqy alasyz jáne jınaqtaýshy júıedegi ótilińiz – 17 jyl. Shamamen jınaǵyńyzdyń somasy – 4 800 000 teńge. Osy málimetterdi zeınetaqy kálkýlátoryna engizip, "esepteý" batyrmasyn basamyz. Zeınetke shyǵatyn 63 jasqa 2028 jyly tolatynyńyzdy kóremiz. Jıyntyq zeınetaqyńyzdyń mólsheri shamamen 123 618 teńgeni quraıdy".
BJZQ-da zeıneaqy tólemderin rásimdeý úshin "Azamattarǵa arnalǵan úkimet" memlekettik korporasıasyna baryp, ótinish berý keregin aıtty.