«Úzdik atestat» saltanatty túrde tabystaldy
Shahmattan álem chempıony Bıbisara Asaýbaeva mektepti «Altyn belgige» bitirdi. Búgin ol oqıtyn Aqtaýdaǵy AıTı-lıseı túlekterine «Altyn belgi» jáne «Úzdik atestat» saltanatty túrde tabystaldy, dep habarlaıdy Almaty-akshamy.kz Baq.kz-ke silteme jasap.
Shahmattan eń jas álem chempıony Bıbisara Asaýbaeva Aqtaýdaǵy aıtı-lıseıde 2019 jyldan beri bilim alady. Mektep qabyrǵasynda júrip «Álemdegi eń jas chempıon» atandy. Jarystarǵa úzbeı qatysýǵa múmkindik berip, demeý bolǵan ustazdaryna alǵysyn jetkizdi.
«Búgin biz úshin mańyzdy kún. Óıtkeni, qolymyzǵa atestatymyzdy aldyq. Men 3 jyldan beri Aqtaýda oqımyn. Bıylǵy oqý jylynda shahmattan álemniń eń jas jeńimpazy atanyp, Azıa chempıony boldym. Maǵan bilim berip, qoldaý bildirgen muǵalimder men mektep basshylyǵyna rızashylyǵymdy bildiremin. Al synyptastaryma sáttilik tileımin. Óıtkeni alda bizdiń ómirdiń túrli belesi kútip tur», – deıdi "Altyn belgi" ıegeri Bıbisara Asaýbaeva.
Sondaı-aq osy kúni Jańaózendik túlekterge de «Altyn belgi» tósbelgisi tabystaldy. Bıyl Jańaózen mektepterinen 1485 túlek túlep ushty. Onyń 29-y «Altyn belgi», 139-y «Úzdik atestat» ıegeri atandy.
Bıyl oblys boıynsha 7 562 túlek mektep bitirdi. Olardyń 174-i túlek «Altyn belgi», 515- “Úzdik atestat” ıegeri atandy. Al 44 oqýshy respýblıkalyq pándik olımpıada jeńimpazy atansa, oblystaǵy 7 bilim ordasy elimizdegi «100 úzdik mektebiniń» qataryna endi.