Búginde Uly Otan soǵysynyń barlyq ardageri erekshe baqylaýda
Almaty ákimi Erbolat Dosaev Uly Otan soǵysynyń ardagerleri men olarǵa teńestirilgen tulǵalarǵa qarajat bólip, stomatologıalyq kómekti qoljetimdi etýge ýáde berdi, dep habarlaıdy Almaty-akshamy.kz Zakon.kz-ke silteme jasap.
Almaty ákimi Erbolat Dosaev pen onyń orynbasary Ásem Núsipovanyń aıtýynsha, búginde Uly Otan soǵysynyń barlyq ardageri erekshe baqylaýda. Olarǵa dáriger bekitilgen, olar aı saıyn úılerine kelip, tekserýden ótedi.
Degenmen Dosaevtyń aıtýynsha, dárigerler megapolıstegi barlyq zeınetkerdi ázirshe teksere almaıdy. Óıtkeni kóptegen memlekettik emhanalar júktemesi kóp.
Medeý aýdanynyń turǵyndarymen kezdesýinde qala ákimine tis dárigerine qaralýdy eń bolmaǵanda Ekinshi dúnıejúzilik soǵys ardagerleri men olarǵa teńestirilgen tulǵalar úshin qoljetimdi etý týraly usynys tústi.
«Ár emhanada stomatologıany uıymdastyrý ońaı emes. Biz kabınetterdi jabdyqtaý bylaı tursyn, belgili bir toptaǵy adamdarǵa turaqty jumysqa tis dárigerin jaldaı almaımyz. Áńgimelesýge tyrysaıyq, bálkim, biz barlyq stomatologıalyq ınstıtýtqa Ekinshi dúnıejúzilik soǵys ardagerleri men olarǵa teńestirilgen tulǵalardy qoldaý úshin qosymsha tapsyrys beremiz. Menińshe, olardyń jalaqysyn tóleýge múmkindigimiz bar, olar ardagerlerge belgili kúnder men saǵattarda qyzmet kórsetedi. Men jeke nusqaý beremin, ony bir aıda anyqtap, sqemasyn bere alamyz dep oılaımyn»,-dedi Almaty ákimi Erbolat Dosaev
Qazir mindetti áleýmettik medısınalyq saqtandyrý aıasynda Ekinshi dúnıejúzilik soǵysqa qatysýshylar men olarǵa teńestirilgen tulǵalar, I, II, III toptaǵy múgedektigi barlar, zeınetkerler tek tótenshe jaǵdaılarda ǵana tegin stomatologıalyq kómek ala alady.