Jańa reıtıńige sáıkes, basketboldan Qazaqstan erler quramasy birinshi orynǵa jaıǵasty
Halyqaralyq basketbol federasıasy (FIBA) basketboldan álem chempıonatynyń Azıa aımaǵy irikteý týrnıriniń jańartylǵan qýattylyq reıtıńin jarıalady, dep habarlaıdy Almaty-akshamy.kz QazAqparatqa silteme jasap.
Jańa reıtıńige sáıkes, basketboldan Qazaqstan erler quramasy birinshi orynǵa jaıǵasty. Al Iordanıa men Avstralıa aldyńǵy úshtikti túıindedi.
Aıta keteıik, Qazaqstan erler quramasy Azıa aımaǵyndaǵy irikteý týrnıriniń alǵashqy eki kezeńinde 4 kezdesýdiń barlyǵynda jeńiske jetip, 8 upaımen D tobynda kósh bastady.
Qýattylyq reıtıńisi komandanyń irikteý týrnırindegi nátıjelerine sáıkes túziledi.
Qazaqstan erler quramasy irikteý týrnıriniń úshinshi kezeńinde Iran jáne Bahreın quramalarymen kúsh synasady.