Jańa mektepter salý jáne kolejderdi jóndeý
200 adamǵa arnalǵan ınternaty bar Abaı atyndaǵy 900 oryndyq jańa mektepti 2023 jylǵa arnalǵan búdjetti naqtylaý jáne bilim berý salasyn qarjylandyrýdy ulǵaıtý aıasynda Daryn-1 shaǵyn aýdanyna salý josparlanýda, dep habarlady Qarjy basqarmasynyń basshysy Qanat Sýhambekov máslıhattyń kezekten tys XI sesıasynda. Jańa oqý ornynyń ereksheligi qazaq tilin tereńdetip oqytýynda bolmaq, dep habarlaıdy Almaty-akshamy.kz.
Áleýmettik ınfraqurylymdy damytý jónindegi jobalardy qalanyń túrli aýdandarynda júzege asyrý josparlanǵan. Máselen, 8 memlekettik kolejde aǵymdaǵy jóndeý boıynsha jumystar júrgiziledi, al 2 qoldanystaǵy kolejde – qurylys jáne halyq kásipshiligi, sondaı-aq tehnologıalar men florıstıka koleji materıaldyq-tehnıkalyq jaǵynan jańartady. Bul maqsatqa 1,3 mlrd teńge bólinedi.
Oqýshylar úshin qolaıly jaǵdaı jasaý boıynsha jumystar júrgizilýde: Nurkent shaǵyn aýdanyndaǵy №201 mektepte 450 oryndyq qosymsha qurylys salý josparlanýda, Bostandyq aýdanyndaǵy Orbıta shaǵyn aýdanynda №145 mektep ǵımaratyn seısmıkalyq kúsheıtý jáne kúrdeli jóndeý jumystary aıaqtalyp keledi, basqa da rýhanı-bilim berý nysandaryn jabdyqtaýǵa qarajat bólinip otyr.
«Damý baǵdarlamasy maqsatynyń birin iske asyrý aıasynda bilim berý nysandaryna qoljetimdilikti arttyrý úshin sahna tetikterin, úlken konsert zalyna arnalǵan dybystyq jáne jaryq jabdyqtaryn tolyq aýystyrý jáne Oqýshylar saraıynyń balalar mýzyka mektebi úshin mýzykalyq jabdyqtar men oqý jıhazdaryn satyp alý boıynsha jumystardy júrgizýge 1,3 mlrd teńge somasynda qarajat kózdelgen», - dedi Qanat Sýhambekov.
Buǵan qosa, 3 memlekettik mektepte «Almaty qalasy oqýshylarynyń densaýlyǵyn basqarý» pılottyq jobasyn engizý josparlanyp otyr. Ol oqýshylardyń densaýlyǵyn saqtaýǵa jáne nyǵaıtýǵa baǵyttalǵan jáne teńdestirilgen mázir qurýǵa arnalǵan. Bul maqsattarǵa 1,3 mlrd teńge kóleminde qarajat kózdelgen. Jalpy, áleýmettik sala búdjetiniń shyǵys bóligi 6,1 mlrd teńgege ulǵaıdy.