Bul qylmysty jasady degen kúdikke 18 jáne 19 jastaǵy eki jas jigit ilinip otyr.
Jedel ýákilderdiń málimetinshe, QR QK-niń 188-baby 2-bóligi boıynsha tergeýdiń osy satysynda kúdiktilerdiń osyǵan uqsas bes urlyqqa qatysy bary anyqtaldy, dep habarlaıdy Almaty-akshamy.kz Polisia.kz-ke silteme jasap.
«Qaskóıler 27 qarashaǵa qaraǵan túni urlyq jasady. Olar Qalqaman shaǵyn aýdanyndaǵy úılerdiń biriniń aýlasynan úsh moped urlap ketken. Kúdiktiler urlanǵan zattaryn kádege jaratýǵa úlgermedi. Olardy bizdiń bólimsheniń krımınaldyq polısıa bóliminiń qyzmetkerleri ustady. Qaladaǵy beınebaqylaý júıesi qylmystyń ashylýyna yqpal etti. Qazirgi ýaqytta kúdiktilerdiń basqa da yqtımal zańsyz áreketterge qatysy bar-joǵy tekserilip jatyr», – dedi Naýryzbaı aýdandyq polısıa basqarmasynyń bastyǵy Dıdar Jaqypbaev.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.