Almaty qalalyq saılaýaldy shtaby qataryndaǵy «AMANAT»-tan depýtattyqqa kandıdattar «Rahat» kondıterlik ónimder fabrıkasynda kásipkerlik, óndiris pen shaǵyn jáne orta bıznesti damytý máselelerin talqylady. Ujymmen kezdesýge shtab músheleri Meıirjan Otynshıev, Ásıa Aqanova, Elena Tó, Bolat Sadyqov, Ǵalymjan Toǵyzbaev jáne Maqsat Qalımoldaev keldi, dep habarlaıdy Almaty-akshamy.kz.
Elena Tó «AMANAT» partıasynyń Almaty qalasy boıynsha aldaǵy bes jylǵa arnalǵan baǵdarlamasy áleýmettik zertteýler men fokýs-toptar, sondaı-aq 2022 jylǵy Respýblıkalyq referendým men QR Prezıdentiniń saılaýy, halyqpen kezdesýler barysynda jınalǵan almatylyqtardyń talap-tilegi men usynystary negizinde ázirlengenin tilge tıek etti. Sonymen qatar, Almaty qalasyn damytýdyń baǵdarlamalyq qujaty da nazarǵa alynypty.
Depýtattyqqa úmitkerler partıa eńbek kiristerin, jumyspen qamtý turaqtylyǵyn jáne ekonomıkany jaqsartý úshin Almaty ekonomıkasynyń basym sektorlarynda joǵary nátıjeli jumys oryndaryn qurýǵa qol jetkizýdi kózdeıtinin málimdedi.
Máselen, depýtattyqqa úmitker Ǵalymjan Toǵyzbaev megapolıstegi shaǵyn ónerkásip parkteriniń satyp alynǵan aýmaqtaryn qaryzdy qamtamasyz etý retinde paıdalanýǵa múmkindik beretin ónerkásiptik ıpotekany engizýdi qoldaıtynyn jetkizdik. Memlekettik jáne óńirlik baǵdarlamalar aıasynda SHOB úshin jyl saıyn 40 mlrd. teńgeden astam nesıe bólý qarastyrylǵan. Nátıjesinde Almatynyń JÓÓ qurylymyndaǵy óńdeý ónerkásibiniń úlesi 4,8%-dan 6,7%-ǵa deıin ósedi degen boljam bar.
Depýtattyqqa úmitkerler ulttyq baılyǵymyzdy únemdi ári tıimdi paıdalanýymyz kerektigin, elimizdiń árbir azamaty onyń ıgiligin kórý kerektigin baıandady.
«Ekonomıkanyń barlyq salasynda turaqty jumys oryndary ashylady. Adal ári ónimdi eńbek etken adam qurmetke ıe bolady, laıyqty qorǵalady jáne jaqsy jalaqy alady. Saılaýaldy baǵdarlamada aıtylǵandaı, memleket kásipkerlikti yntalandyrýǵa jáne ony qorǵaýǵa bar kúsh-jigerin salatyn bolady. Ádiletti Qazaqstanda zań talaptaryn saqtaıtyn kez-kelgen shaǵyn, orta jáne iri bızneske laıyqty jaǵdaı jasalady. Bıznestiń básekege qabiletin arttyrýǵa kedergi keltiretin nárseniń bári joıylady», – dep sendirdi úgit-nasıhat toby.
Almaty qalasy máslıhaty depýtattarynyń saılaýynda partıalyq tizimdi usynǵan «AMANAT» partıasy saılaý qorynyń qarajatynan tólendi