Tikushaq Oral áýejaıynan 54 shaqyrym jerde bar ekpinimen qonǵan
Batys Qazaqstan oblysynda magıstraldy munaı qubyryn kókten sholý kezinde "Qazavıaqutqarý" tikushaǵy apatty jaǵdaıda qatty ekpinmen kelip jerge qondy, dep habarlaıdy Almaty-akshamy.kz.
Oqys oqıǵa saǵat 16:05-te oryn aldy. "Qazavıaqutqarý" AQ-ǵa tıesili MI-8 tikushaǵy "QazTransOıl" AQ-tyń magıstraldy munaı qubyrlary jelisin josparǵa saı kókten sholyp, Atyraýǵa keri oralǵanda Oral áýejaıynan 54 shaqyrym jerde bar ekpinimen qonǵan.
Sońǵy kelip túsken málimetter boıynsha, TJM-nyń qutqarý toby tikushaqqa kelip-jetti. Avıasıalyq oqıǵa saldarynan 4 adam qaza taýyp, 2 adam zardap shekken.
QR IIDM Azamattyq avıasıa komıteti qaza tapqan azamattardyń týystary men jaqyndaryna kóńil aıtady.
QR IIDM Azamattyq avıasıa komıtetiniń málimetinshe, bortta 5 ekıpaj múshesi jáne eki jolaýshy bolǵan.