Bortta 5 ekıpaj múshesi jáne eki jolaýshy bolǵan
QR IIDM Azamattyq avıasıa komıteti TJM-nyń qutqarý toby tikushaqqa kelip-jetkenin, qaıǵyly oqıǵa saldarynan 4 adam qaza taýyp, 2 adamnyń zardap shekkenin habarlaǵan. QR TJM opat bolǵan tórt adamnyń tikushaq ekıpajy ekenin naqtylady, dep habarlaıdy Almaty-akshamy.kz Zakon.kz-ke silteme jasap.
"Tikushaqtyń jerge bar ekpinimen qonýy saldarynan QR TJM "Qazáýequtqarý" qyzmetkerleri qaza tapty. Bizdiń qyzmetkerler", - dedi QR TJM-nyń resmı ókili Rýslan Imanqulov.
Aldynda oqys oqıǵa saǵat 16:05-te oryn alǵany habarlanǵan. "Qazavıaqutqarý" AQ-ǵa tıesili MI-8 tikushaǵy "QazTransOıl" AQ-tyń magıstraldy munaı qubyrlary jelisin josparǵa saı kókten sholyp, Atyraýǵa keri oralǵanda Oral áýejaıynan 54 shaqyrym jerde bar ekpinimen qonǵan.
QR IIDM Azamattyq avıasıa komıtetiniń málimetinshe, bortta 5 ekıpaj múshesi jáne eki jolaýshy bolǵan. Quzyrly vedomstvo atalǵan oqıǵa saldarynan 4 adamnyń qaza taýyp, eki adamnyń zardap shekkenin jetkizdi.