Shaǵyn fýtboldan Qazaqstannyń áýesqoılar qurama komandasy Birikken Arab Ámirliginiń Ras-el-Haım qalasynda ótken álem chempıonatynda kúmis júldeger atandy. Elimiz quramasy fınalda Rýmynıa komandasynan aılasyn asyra almady.
Oıynnyń negizgi ýaqyty 2:2 esebimen teń aıaqtalyp, machtyń sońynda berilgen 11-metrlik penaltıde el quramasy qarsylastarynan 11:12 esebimen jeńildi.
El quramasy bıylǵy álem chempıonatynda A tobynda synǵa túsip, Ganany 7:0, Úndistandy 16:0, Birikken Arab ámirligin 2:1 esebimen jeńdi.
Odan keıin Meksıka quramasynan (0:0, 2:1 – penaltıden), Chehıa komandasynan (3:3, 3:2 – penaltıden), Ázerbaıjan jasaǵynan (3:2) basym tústi.
Buǵan deıin el quramasy 2015, 2017 jyldarda álem chempıonatynda 11-oryn alǵan edi.
Bıylǵy chempıonatqa 32 komanda qatysty. Elimizdiń qurama komandasy Qaraǵandynyń «Bıosfera» klýbynan jasaqtaldy.