Aldaǵy 4-5 jyldyń ishinde doktoranttardyń shákirtaqysy 500 myń teńgege jetedi.
Bul týraly Ǵylym jáne joǵary bilim mınıstri Saıasat Nurbek aıtty, dep habarlaıdy Almaty-akshamy.kz.
«3 jyl doktorantýrada oqyp, PhD alyp shyqqannan keıin osy oqyǵan ýaqyty ýnıversıtetke kelgende esepke alynbaıdy. Oqytýshylyqtan bastaýyna týra keledi. Bizde oqytýshy, aǵa oqytýshy, qaýymdastyrylǵan profesor, profesor dep bólinedi. Profesorlyqqa jetkenge deıin biraz ýaqyt ótedi. Maqalalar jazyp, granttarǵa qatysýy kerek. Sondyqtan eń aldymen PhD qaǵıdattaryn ózgertip jatyrmyz. PhD shákirtaqysyn kóteremiz. Bıyl 217 myń teńgege jetti. Jyl saıyn 20 paıyz kóterilip otyrady. Aldaǵy 4-5 jyldyń ishinde 500 myń teńgege deıin jetkizý josparymyzda bar», – dedi mınıstr Jibek Joly telearnasynyń «Ýáde» baǵdarlamasyna bergen suhbatynda.