Kókshetaý kólik prokýratýrasymen kóliktik baqylaý salasyndaǵy ýákiletti organnyń qyzmetine taldaý nátıjeleri boıynsha ákimshilik isterdi qaraý barysynda kásipkerlerdiń quqyqtaryn buzǵandyǵy anyqtaldy, dep habarlaıdy almaty-akshamy.kz
Avtojoldarda tıelgen kólik quralynyń salmaqtyq parametrleriniń artýy anyqtalǵan kezde memlekettik organ dereý ákimshilik yqpal etý sharalaryn qabyldaıtyny belgili.
Mundaı óndirister boıynsha dáleldemelik bazanyń negizine avtokólik quraldarynyń avtomattandyrylǵan ólsheý quraldary arqyly ótý kezindegi derekteri qoldanylady, al olar shamadan tys júktelgen jaǵdaıda kólik baqylaý organdaryna naqty ýaqyt rejıminde habarlamalar jiberiledi (mundaı quraldardy qoldaný zańnamamen naqty rettelgen).
Kólik prokýratýrasy kólik quraldarynyń kólemin ólsheý kezinde qatelikterdiń durys eseptelmegenin anyqtady, bul óz kezeginde, ákimshilik ister boıynsha qabyldanǵan sheshimderdiń kúshin joıýǵa ákeldi.
Máselen, «Chelábınsk-Qostanaı-Almaty» avtojolynyń №41348472 (Atbasar q. janynda) 1007 km ólshegish quralyna saraptama jáne sertıfıkattaý ortalyǵy tekserý týraly sertıfıkat berdi, oǵan sáıkes ol jaramdy dep tanylyp jol tóseminiń III synyby boıynsha 4% qatelik shegimen sáıkestik dárejesin qoldanýǵa ruqsat etilgen.
Al atalǵan klastaǵy avtojoldar boıynsha jabdyqtyń tehnıkalyq pasporty boıynsha qatelikti esepteý kezinde 14% máni qoldanylady.
Osyǵan baılanysty prokýratýranyń qadaǵalaý aktisi boıynsha Aqmola oblysynyń Kóliktik baqylaý ınspeksıasynyń kásipkerlik sýbektilerine jalpy somasy 1,6 mln teńgege aıyppul salǵan ákimshilik quqyq buzýshylyqtarǵa tartý týraly 7 qaýlysy zańsyz dep tanyldy.
Kólik prokýrorlary osyndaı jumystardy basqa da óńirlerde júrgizýde.