2024 jyldyń 1 toqsanynda kásipkerler «Almaty» MQU-dan 1,3 mlrd teńgege nesıe aldy
Almaty Finance enshiles uıymy (Almaty ÁKK kompanıalar tobyna kiredi) «Almaty» MQU mıkro jáne shaǵyn bıznesti damytýǵa 1,3 mlrd teńgeden astam qarajat berdi. Bul ótken jyldyń sáıkes kezeńimen salystyrǵanda 1,5 ese kóp, dep habarlaıdy almaty-akshamy.kz.
Úsh aıdyń ishinde MQU 36 jergilikti jobany qarjylandyrdy. Nesıeleýdiń maqsaty – jabdyqtar, shıkizat satyp alý, aınalym qarajatyn tolyqtyrý, bıznestiń basqa da qajettilikterin jabý.
Kásipkerler eń kóbi óndiris jáne qaıta óńdeý salasynan – barlyq kólemniń 22%, ekinshi orynda – densaýlyq saqtaý (19%), úshinshi orynda bilim berýge (19%) qaryz aldy. Budan keıin áleýmettik kásipkerlerdi qoldaý (12%), kreatıvti ekonomıka (10%) jáne týrızm (6%). Sondaı-aq sport, saýda jáne halyqqa qyzmet kórsetý salalaryndaǵy jobalar qarjylandyrýmen qamtamasyz etildi.
Sanatqa baılanysty bıznesti damytýǵa qaryz alýshylar 2%* jáne 6%* mólsherleme boıynsha kepil nesıesin nemese 12%* boıynsha kepilsiz nesıe ala alady. Qaryzdyń eń joǵary somasy – 73 840 000 teńge.
«2019 jyly qurylǵan sátten bastap MQU Almatyda 520-dan astam mıkro jáne shaǵyn kásipkerlik jobalaryn júzege asyrýǵa kómektesti. Osy ýaqyt ishinde qarjylandyrýdyń jalpy somasy 11,2 mlrd teńgeden asty. Memlekettik qoldaýdyń arqasynda kásipkerler bıznesti tıimdi sharttarmen damytyp qana qoımaı, qalada jańa jumys oryndaryn ashýda», – dep atap ótti «Almaty» MQU Basqarma tóraǵasy Altaı Ismaǵambetov.
Esterińizge sala keteıik, MQU nesıeleý baǵdarlamasy «Almaty Business-2025» óńirlik kásipkerlikti damytý baǵdarlamasy aıasynda júzege asyrylýda.
«Almaty» MQU týraly tolyǵyraq +7 (727) 390 80 42 nómiri boıynsha nemese https://mfoalmaty.kz / saıtynan bilińiz.
*Jyldyq tıimdi syıaqy mólsherlemesi jeke esepteledi jáne 13%-dan aspaıdy