2024 jylǵy 28 naýryzda aýyl sharýashylyǵy jáne ishki ister mınıstrlikteri, sondaı-aq QR Ulttyq qaýipsizdik komıteti arasynda bekire jáne basqa da balyq túrlerin saqtaý, olardyń ýyldyryq shashýy úshin qolaıly jaǵdaılardy qamtamasyz etý maqsatynda «Jaıyq-Kaspıı baseıniniń sý aıdyndarynda «Bekire-2024» keń aýqymdy balyq qorǵaý aksıasyn ótkizý týraly» birlesken buıryqqa qol qoıyldy.
Aksıa bastalǵannan beri Jaıyq-Kaspıı oblysaralyq baseındik balyq sharýashylyǵy ınspeksıasynyń ınspektorlary QR UQK quqyq qorǵaý, tabıǵat qorǵaý organdary jáne Shekara qyzmetiniń qyzmetkerlerimen birlesip tabıǵat qorǵaý zańnamasynyń 116 buzýshylyǵyn anyqtap, jolyn kesti, dep habarlaıdy Almaty-akshamy.kz.
Nátıjesinde 52 adam ákimshilik jaýapkershilikke tartyldy, brakonerlik jáne sırek kezdesetin jáne quryp ketý qaýpi tóngen balyq túrlerimen zańsyz qarym-qatynas jasaý faktileri boıynsha 14 qylmystyq is qozǵaldy. Zań buzýshylarǵa 3,1 mln teńge aıyppul salyndy.
Budan basqa, zańsyz aınalymnan 2,6 tonnaǵa jýyq balyq tárkilendi, onyń ishinde 505 kılogramm bekire tuqymdas balyqtar, 3,5 kılogramm bekire tuqymdas balyqtardyń ýyldyryǵy, 15 birlik balyq aýlaý quraldary jáne 10 birlik sý kóligi.
Kún saıyn ózen arnasy men teńiz sýyn tazartý nátıjesinde sý qoımalarynan jalpy uzyndyǵy 160 km-den asatyn 521 zańsyz balyq aýlaý quraldary alyndy. Aıta keteıik, balyq qorǵaý aksıasy jalǵasýda.