«Almaty – bizdiń ortaq úıimiz» naýqany aıasynda Family saıabaǵynda qus uıasynyń kórme-jármeńkesi ótti. Bul aksıa ekologıalyq belsendilikti nasıhattaý jáne óskeleń urpaqqa tabıǵatty aıalaý men qorǵaýdy úıretý maqsatynda ótti, dep habarlaıdy almaty-akshamy.kz
Naýqanǵa Áýezov aýdanynyń DamuBala shyǵarmashylyq úıirmelerine qatysatyn 200-den astam bala qatysty. Balalar saıabaqta qus uıalaryn ornatty, artynsha QR Mádenıet qaıratkeri Toqtar Serikov qatysqan konserttik baǵdarlama uıymdastyryldy.
Aıta ketetin nárse, «Almaty - bizdiń ortaq úıimiz» naýqany bastalǵaly beri qalanyń barlyq mektebinde «Qustarǵa uıa syılaıyq» degen chellendj ótti. «Tehnologıa» sabaǵynda oqýshylar myńnan astam qustyń uıasyn jasady. Olar mektepterdiń aýlasyna, saıabaqtar men skverlerde ornatyldy.
Esterińizge sala keteıik, 8 sáýirde «Almaty – bizdiń ortaq úıimiz» naýqany bastaldy. Árbir turǵyn qalany damytý men kórkeıtýge úles qosa alady.
Tolyq aqparat almaty.kz saıty men Almaty ákimdiginiń áleýmettik jelilerindegi paraqshalarynda jarıalanady. Sondaı-aq, qaladaǵy banner, plakat jáne afıshalardaǵy arnaıy QR-kod arqyly veb-saıtqa kirýge bolady.
Naýqannyń belsendi qatysýshylaryna arnalǵan áleýmettik jelidegi heshtegter: #AlmatyNashObshııDom, #NasMnogoGorodOdın, #AlmatyBizdińOrtaqÚıimiz, #BizKóppizQalajalǵyz.
