Aıryqsha kórme
Seýldegi kórmede kamıkadze drondar jurt nazaryna usynyldy, dep habarlaıdy Almaty-akshamy.kz. 24.kz-ke silteme jasap.
Jasandy ıtter men shaıandar, tipti kamıkadze drondar. Mundaı erekshe eksponattar Seýldegi pılotsyz qondyrǵylar kórmesinde kórsetildi. Uıymdastyrýshylar drondarǵa erekshe nazar aýdardy. Óıtkeni olar barlyq salada qoldanylyp, Ońtústik Koreıa áskerleriniń negizgi qarýyna aınaldy.
Myna robot-ıttiń qarym-qabileti jaman emes. Qos kózdiń ornyna ornatylǵan sensorly kameralar alýan túrli kedergilerdi aınalyp ótýge múmkindik beredi. Alaıda onyń qýaty nebári 1 saǵatqa shaqtalǵan. Mundaı qultemirdiń quny - 8 jarym myń dollar.
Biraq biregeı robotty saýdaǵa tek 5 jyldan keıin shyǵarý josparlanyp otyr.
«Bul robotty qurylysta da qoldanýǵa bolady. Eger qandaı da bir qyzmetker koronavırýs juqtyrsa nemese onyń dene qyzýy kóterilse, mynaý qultemir temperatýrany anyqtap, dybys shyǵarady. Al eger zaýytta oqys jaǵdaı bolyp, adam ǵımaratqa kire almaı jatsa, taǵy osy ıttiń kómegine súıenýge bolady», - dedi kompanıa ókili Chon Hı Sop.
Salmaǵy bir tonnadaı bolatyn myna shaıan tárizdes robot bolsa, muhıtta 6 myń metr tereńdikke deıin túse alady. Sýdyń túbin sýretke túsirip baqylaý júrgizedi.