5-6 naýryz kúnderi Seýl fılarmonıalyq orkestri Almatyda konsert beredi.
Mýzykanttar Respýblıkalyq memlekettik akademıalyq koreı teatrynda óner kórsetedi. Qaıyrymdylyq konserti Koreıa Respýblıkasynyń táýelsizdiginiń 80 jyldyǵyna jáne Abaıdyń 180 jyldyǵyna oraı uıymdastyrylǵan, dep habarlaıdy aqshamnews.kz. 24.kz-ke silteme jasap.
Kesh barysynda álemge áıgili Vıvaldı, Chaıkovskıı, Gendel jáne Mosarttyń klasıkalyq shyǵarmalary oryndalady. Sondaı-aq, koreı mýzykanttary qazaqstandyq kompozıtor Erkesh Shákeevtiń týyndylaryn oryndaıdy. Sonymen qatar, orkestr koreı teatrynyń solısi Angelına Iýgaıǵa súıemeldeý jasaıdy. Ol Manarbek Erjanovtyń «Qýanamyn» ánin shyrqaıdy. Seýl fılarmonıalyq orkestri 1945 jyly qurylǵan. Onyń mýzykanttary álemniń túkpir-túkpirinde óner kórsetip júr, al Qazaqstanda alǵash ret konsert bermek.
Chon Che Val, Seýl fılarmonıalyq orkestriniń bas dırektory:
- Bul – meniń Qazaqstanǵa ekinshi saparym bolmaq. Almatyda osydan bir jarym jyl buryn bolǵam. Qala meni qatty tańǵaldyrdy. Óte ádemi qala, arhıtektýrasy jáne jaıly atmosferasy erekshe áser qaldyrdy. Almaty – alyp baq ispetti, munda jylýlyq pen jaılylyq seziledi. Biz konsertti almatylyqtar klasıkalyq mýzykanyń ásemdigin sezinip, tamashalaýy úshin arnaıy daıyndadyq. Repertýar kórermenderdiń talǵamyna saı tańdaldy, sondyqtan almatylyqtardyń súıikti shyǵarmalaryn oryndaımyz.