Kúni keshe Dýlat Isabekovtyń qazasy halyqtyń qabyrǵasyna batyp jatqan kezde Hanbıbi Esqaraqyzy ataq surady dep búkil qoǵamdy dúr silkintken habar tarady. Araǵa ýaqyt salyp, Hanbıbi ózi sóılegen vıdeosyn jarıalaı otyryp, jala japqandarǵa jaýap qatty, dep habarlaıdy aqshamnews.kz
"Osy Qulbek, sońǵy kezde árki-tárki sóıleıtin bolyp barady. Al jazýy odan da óreskel. Men týraly jazǵan postyn birneshe ret redaksıalaǵannan keıingisi de ońyp turǵan joq, álde, memlekettik syılyq alamyn dep mıy shaıqaldy ma?
«Janazada sóılegende» dep bósti. Janazada eshkim sóılemeıtinin bilmeı me?
Sóz tirkesterine kóz salyńyz: …«Kópten kútken tragedıamyz bolǵan soń»… «Kóz jasynan kirpigimiz aıqasyp, jabysyp qaldy», … «Beket Turǵaraev ekeýmiz … suraýly kózderimiz ózara aıqasyp qaldy… (Aldyńǵy varıantta aspanda aıqasyp qaldy) «Aıaǵymyzdyń asty tas eken, sol saqtap qaldy» … Sóıte tura, sol tasty tesip ótip (jerdiń astymen) ilbip qaıtady ǵoı. Jylaǵan , músápir qalyp tanyta otyryp, oblys ákimin maǵan qaırap salady. Eger resmı jaqtan aıtylmaǵan sóz bolsa, «qyryq kúndik asyn jerlesteri mindetine alyp otyr»- dep aıtpaǵan bolar edim. Ne Túrkistannyń, ne Shymkenttiń delegasıasyna qospaǵannan keıingi zar- zapyrany demeske amal joq.
Sonymen, «Súıekshi-Qulbek» men týraly: «Dýlat Isabekov maqtaǵan prozalyq shyǵarmama Memlekettik syılyq bermedińizder»… dep qara qazandaı ókpesin qaraly jurttyń aldyna aqtara saldy»-deıdi.
… Al adamdy bir jalaly sózben «jeksuryn» etip kórsete salýdyń budan asqan formasy bola ma? Onyń osy oıyn alǵash jarıalaǵan Baqytjan Buqarbaevtyń jazbasyna 120 myń adamnyń laık basqanyn qaıdan bildi eken, á ? Baqytjannyń meni qaralaǵan postyna júzdegen adamdar komentarıı bergen soń, ol saıabyrlaǵan . «Qart súıekshi» oǵan qanaǵattanbaı, ózi qolyna qalamyn alyp, jigerlenip, yshqynyp aıtqan sózin Iýtýb kanalynan oqytqanda , adamdy jábirleýdiń túrli tásilderin tereń meńgergendigin ózderińiz  tyńdadyńyzdar.
Baqytjandaı jas jigitti aıdap salǵan kim ekendigi aıdaı málim boldy.
Maǵan biraz laýazymdy , qurmetti adamdar telefon soǵyp, úndeme, baıaǵy «ıt úredini» aıtyp, biri «ramazan aıynda aıtyspa», onyń kim, seniń kim ekenińdi halyq biledi»- dep basý aıtqanmen, meniń ar-ojdanyma túsken daqty, japqan jalany ózimnen ózge eshkim qorǵaı almaıtyny belgili .
Sotqa berdim. Sot prosesinde avtorlar óz qateleskenin moıyndasa, eki jaqty kelisimge (medıasıa) kelý múmkindigi bar ekendigin habarlady.
120 myń oqyrman «bilip-bilmeı» jazǵan qaralaý komentarııleri úshin myna vıdeony nazarlaryńyzǵa usynamyn.
Sońǵy sóz sizderde, - dep jazdy Hanbıbi Esenqaraqyzy óziniń áleýmettik jelisinde.