Almatyda parsy tilin oqytý kýrsyn sátti aıaqtaǵan qatysýshylar sertıfıkatqa ıe boldy. Atalmysh kýrs «Ǵylym ordasy» men Iran Islam Respýblıkasynyń Bas konsýldyǵy janyndaǵy «Mádenı ortalyqtyń» ózara yntymaqtastyq týraly memorandým aıasynda uıymdastyrylǵan edi. Sertıfıkatty tabys etý saltanatyna «Ǵylym ordasy» Bas dırektory Ular Muqajanov, dırektordyń orynbasary Azamat Nurshanov, Iran Islam Respýblıkasynyń Almaty qalasyndaǵy Bas konsýly Sýna Ahmadı, Bas konsýldyq janyndaǵy Mádenı ókildiktiń basshysy Huseın Aǵazade qatysty.
Saltanatty jıynda sóz alǵan Ular Muqajanov Qazaqstan men Iran arasyndaǵy yntymaqtastyqtyń mańyzdylyǵyna toqtaldy.
Eki el arasynda áriptestik ornatylyp, sırek kitaptar men qoljazba derekterdi restavrasıalaý jáne konservasıalaý salalarynda kásibı tájirıbe almasý, ǵylymı zertteýler júrgizý, kadr daıarlaý baǵytynda memorandýmdarǵa qol qoıyldy. Bul bastamalar halyqaralyq mádenı yntymaqtastyqty tereńdetip, Ǵylym ordasynyń qyzmetin jańa deńgeıge kóterýge baǵyttalǵan. Sonymen qatar, mekeme qyzmetkerlerine tegin tildik kýrstar uıymdastyrylyp, olardyń kásibı áleýetin arttyrý, tájirıbe almasýǵa jaǵdaı jasaý kózdelip otyr. Bul qadam Qazaqstan men Iran arasyndaǵy rýhanı baılanysty nyǵaıtýǵa tyń serpin beretini sózsiz», – dedi.
Iran Islam Respýblıkasy konsýldyǵynyń ókilderi Sýna Ahmadı men Huseın Aǵazade Qazaqstan men Iran arasyndaǵy mádenı jáne bilim berý salalaryndaǵy yntymaqtastyqtyń turaqty túrde damyp kele jatqanyn tilge tıek etti.
Kýrs tyńdaýshylary kórsetilgen qoldaý men múmkindikter úshin Iran Mádenı ortalyǵy men Ǵylym ordasyna alǵystaryn bildirip, parsy tilinde óleńder oqyp, «Eı Iran» jáne «Býıe djýıe mýlıon oıád hamı» atty ándi oryndady.
