Gık-mádenıet festıvali aıasynda «Anıme dýblájy: qazaqsha dabbıng» atty sheberlik sabaǵy ótti. İs-sharany Anidybys dýbláj stýdıasy bloger DickThor-pen birlesip uıymdastyrdy.
İs-shara qazaq tilinde ótti jáne dýblájǵa, anıme lokalızasıasyna qyzyǵatyn jastardy, shyǵarmashylyq mamandyqtar boıynsha bilim alyp jatqan stýdentterdi, sondaı-aq bolashaq dýbláj akterlerin jınady, dep habarlaıdy aqshamnews.kz.
Uıymdastyrýshylardyń aıtýynsha, sheberlik saǵatyna joǵary qyzyǵýshylyq qazaqtildi dýblájǵa degen suranystyń artqanyn jáne bul baǵyttyń jastar arasynda ózekti ekenin kórsetti. Qatysýshylar kásibı keńester tyńdap qana qoımaı, dýbláj akteri rólin ózderi synap kórý múmkindigine ıe boldy.
Sheberlik sabaǵy aıasynda sóz sóılegen Anidybys stýdıasynyń negizin qalaýshy, kınonyń dybys rejıseri, dýbláj rejıseri jáne akteri Dıas Balabı dýbláj jasaý úderisi, kadr syrtyndaǵy jáne sınhrondy dybystaý aıyrmashylyqtary, sondaı-aq anımeni qazaq tiline beıimdeý erekshelikteri týraly jan-jaqty aıtyp berdi. Sonymen qatar, qatysýshylarǵa tájirıbelik sabaq ótkizdi.
«Biz anımeni jaı ǵana dýblájdamaımyz, biz qazaq tildi medıamazmundy jasaımyz. Qazaq tili zamanaýı, jastarǵa jaqyn kontekste estilýi tıis. Anıme – osy baǵyttaǵy tamasha múmkindik. Munda yntaly, talantty jastardyń kóp bolǵanyna qýanyshtymyn», – dedi Dıas Balabı.
Comic Con Astana–2025 13 shildege deıin Qazaqstan astanasynda jalǵasady.
Baǵdarlamadaǵy dástúrli elementterdiń biri – jalpy júlde qory 15 mıllıon teńgeni quraıtyn halyqaralyq kospleı baıqaýy. Qazylar alqasynyń quramynda: Iaá Han (AQSH), Cinderys (Fransıa), RanHime (Qyrǵyzstan), FrauHaku (Reseı), Ainaven Elf! (Qazaqstan), Danik (Qazaqstan), MiddayofSiberia (Reseı) jáne basqalar bar.
Festıváldiń basty hedlaınerleri - gollıvýdtyq akterler Endı Serkıs, Esaı Morales jáne Skott Edkıns. Arnaıy shaqyrylǵan qonaqtardyń qatarynda Marmok, Qewbite, Anton Mıls, Johan, EugeneSagaz, Nastá Djekson jáne Metal Family bar.
Comic Con Astana-2025 Astana ákimdigi men «AstanaTourism» Týrızmdi damytý ortalyǵynyń qoldaýymen uıymdastyrylýda.