Eń úzdik joba 2022 jylǵy 1 jeltoqsannan 2023 jylǵy 1 aqpan aralyǵynda anyqtalatyn bolady.
KSRO Halyq ártisi Ermek Serkebaevqa ornatylatyn eskerkishtiń eń úzdik jobasyna ashyq baıqaý jarıalandy, dep habarlaıdy Almaty-akshamy.kz.
BAǴDARLAMASY jáne SHARTTARY
- Baıqaýdyń maqsaty
Kórnekti opera jáne kameralyq ánshi, akter, pedagog, KSRO halyq ártisi, KSRO jáne Qazaq KSR Memlekettik syılyǵynyń laýreaty Ermek Bekmuhameduly Serkebaevtyń eskertkishiniń monýmentaldy-kórkemdik turǵysynan eń jaqsysyn anyqtaý maqsatynda Qazaqstan Respýblıkasynda salynyp jatqan eskertkishter men eskertkishter jónindegi memlekettik komısıanyń qaralymyna usynyp, sheshim shyǵarý.
- Baıqaý baǵdarlamasy
Ermek Serkebaevqa arnalǵan eskertkishtiń kórkemdik beınesi qazaq vokaldyq oryndaýshysynyń teńdessiz talanty men tańǵajaıyp daýysyn, onyń ártistigin, minsiz sheberligin jáne joǵary oryndaýshylyq mádenıetin kórsetýi shart. Sonymen qatar, eskertkish Ermek Serkebaevtyń sırek kezdesetin adamı qasıetterin, daladaı darhandyǵy men qarapaıym jan sulýlyǵyn tanytý qajet.
Eskertkish kompozısıasy qoldanystaǵy sáýlet jáne qala qurylysy ortasyna úılesimdi túrde sáıkes kelýi kerek.
Jobany jasaǵanda myqty materıaldar (mármár, granıt, qola, t.s.s.) qoldanylýy kerek.
Ornatylatyn orny – Almaty qalasy, Almaly aýdany, Abylaı han dańǵyly, 83.
- Baıqaý sharttary
Baıqaýǵa barlyq nıet bildirýshiler, sondaı-aq avtorlyq ujymdar qatysa alady. Baıqaýdy ótkizý merzimi - 2022 jylǵy 1 jeltoqsannan 2023 jylǵy 1 aqpanǵa deıin. 2023 jyldyń 1 aqpanynan keshiktirmeı jiberilgen jumystar 050000, Almaty qalasy, Abylaı han dańǵyly, 74 A, Almaty qalasy mádenıet basqarmasy, №305 kabınet mekenjaıy boıynsha qabyldanady.
Basqa qalalardyń avtorlary poshta túbirteginiń nómirin aldyn ala habarlaı otyryp, jobalardy belgilengen merzimnen keshiktirmeı, Almaty qalasy mádenıet basqarmasynyń mekenjaıyna jiberedi. Baıqaýǵa jobalar alty tańbaly sanmen kórsetilgen urandarmen usynylady. Uran konkýrsqa usynylǵan jobanyń barlyq materıaldarynyń joǵarǵy oń jaq buryshynda, sondaı-aq urandyq konvertte (bıiktigi 1 sm) jazylady. Uranmen jabylǵan konvertte joba avtorynyń tegi, aty jáne mekenjaıy kórsetilgen aqparattyq paraq bolýy kerek.
Eki betten aspaıtyn qysqasha túsindirme jazba eki danada usynylady. «Timeѕ New Roman» qarpi, ólshemi №14, bir jolaralyq ıntervalmen. Jazbada eskertkishtiń negizgi ıdeıasy, kórkemdik sheshimi jáne keńistikti uıymdastyrý prınsıpteri kórsetilýi kerek.
Baıqaý qorytyndysy boıynsha sheshimdi Almaty qalasynyń tarıh jáne mádenıet eskertkishterin qorǵaý jónindegi komısıasy qabyldaıdy.
Baıqaý sharttaryn buza otyryp usynylǵan jobalar konkýrsqa jiberilmeıdi jáne komısıada qaralmaıdy.
- Baıqaýdyń jobalyq usynystary men usynylatyn materıaldardy rásimdeýge qoıylatyn talaptardyń quramy:
- Masshtaby 1:10 joba eskızi (músin kompozısıasy);
- Masshtaby 1:200 bas jobasy (syzba jobasy);
- Eskertkishtiń (músindik kompozısıanyń) 2 qasbeti jáne 1:20 masshtabty 1 perspektıva;
- Túsindirme jazba.
Jobalar ólshemi 60h80 sm planshetpen usynylady. Grafıkalyq oryndaý ádisi, makettiń túsi, tehnıkasy jáne materıaly – avtordyń qalaýy boıynsha.
Qosymsha aqparat pen anyqtamany 8 (727) 272-01-38 telefony boıynsha alýǵa bolady.