2023-2025 jyldar aralyǵynda 842 myń oqýshy orny ashylady.
«Jaıly mektep» ulttyq jobasynyń talaptaryna saı ǵımarattardy memleket satyp alýy múmkin. QR Oqý-aǵartý mınıstri Asqat Aımaǵambetov Úkimet otyrysynda osyndaı málimet berdi, dep habarlaıdy Almaty-akshamy.kz QazAqparatqa silteme jasap.
«Mektep tapshylyǵyn sheshý úshin 2023-2025 jyldar aralyǵynda 842 myń oqýshy ornyn salýǵa 2,6 trln teńge qarastyryldy. Ulttyq jobanyń sheńberinde 60 myńǵa jýyq ýaqytsha jáne 40 myń turaqty jumys orny ashylady», - dedi vedomstvo basshysy.
Sondaı-aq, ol joba arqyly sapaly mektepterdi iske qosýdyń úsh tetigi bar ekenin atady.
Olar:
1) memlekettik-jekemenshik áriptestik sheńberinde mektep salý;
2) mektep ǵımaratyn jaıly mekteptiń talaptaryna sáıkes kelgen jaǵdaıda taýar retinde satyp alý;
3) biryńǵaı operatordyń talapqa saı mektep salýy.