Egjeı-tegjeıli kelissóz júrgizý qajet.
Qazaqstan Prezıdentiniń baspasóz hatshysy Rýslan Jeldibaı Qasym-Jomart Toqaevtyń Máskeýge saparynda talqylanǵan máselege túsinik berdi, dep habarlaıdy Almaty-akshamy.kz.
«Memleket basshysynyń Máskeýge jasaǵan saparyna qatysty buqaralyq aqparat quraldarynan suraqtar kelip túsip jatyr. Osyǵan baılanysty Kremlde ótken Qazaqstan men Reseı prezıdentteriniń kelissózi barysynda Qazaqstan men Ózbekstan terıtorıasy arqyly Reseı gazyn tasymaldaý jumysyn úılestirý maqsatynda quramyna Reseı, Qazaqstan, Ózbekstan kiretin «úshtik gaz odaǵyn» qurý máselesi qarastyrylǵanyn atap ótken jón. Qasym-Jomart Toqaev pen Vladımır Pýtın barlyq taraptyń múddesin eskere otyryp, osy máseleniń utymdy sheshimin tabý úshin úsh el sarapshylarynyń qatysýymen egjeı-tegjeıli kelissóz júrgizý qajet dep sanaıdy», - dep jazdy Rýslan Jeldibaı Facebook paraqshasynda.
Eske sala keteıik, Memleket basshysy apta basynda Reseıge resmı saparmen barǵan bolatyn.
Memleket basshysy Qazaqstan men Reseıdiń HVIII Óńiraralyq yntymaqtastyq forýmyna qatysty.
Sondaı-aq Prezıdent Reseı basshysy Vladımır Pýtınmen jáne Úkimet basshysymen kezdesti.