Mınıstr 2020 jyly TJ rejımi men karantın engizilgen kezde halyqty qoldaýdyń qosymsha sharalary kórsetilgenin atap ótti.
QR Eńbek jáne halyqty áleýmettik qorǵaý mınıstri Serik Shápkenov halyqqa esep berý kezdesýinde tótenshe jaǵdaı (budan ári – TJ) rejımi jáne COVID-19 pandemıasyna baılanysty karantındik shekteý sharalary kezeńinde uıymdastyrylǵan qazaqstandyqtardy áleýmettik qoldaý sharalary týraly aıtyp berdi, dep habarlady Almaty-akshamy.kz. QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.
Alǵash ret memlekettik áleýmettik saqtandyrý qorynan áleýmettik tólemder engizildi:
- birinshiden, qyzmetin shekteýge baılanysty tabysynan aıyrylǵan azamattar úshin – eń tómengi jalaqy mólsherinde tólemder engizildi. TJ jáne karantın kezeńinde olardy 476 mlrd. teńge somasyna 4,6 mln. adam aldy;
- ekinshiden, jumysta COVID-19 juqtyrǵan dárigerlerge jáne medısına qyzmetkerleri qaıtys bolǵan jaǵdaıda olardyń otbasylaryna tólemder qarastyryldy. 9,5 myń adam 20,5 mlrd teńge somasynda tólem aldy.
Budan basqa, aı saıyn áleýmettik jaǵynan osal sanattardaǵy 1 mln-nan astam azamat jalpy somasy 25 mlrd teńgege azyq-túlik jıyntyǵy túrinde qoldaý aldy (tabysy az otbasylardyń balalary, jumyssyzdar, múgedektigi bar balalar, múgedektigi bar bala tárbıelep otyrǵan 1-3 toptaǵy múgedektigi bar adamdar).
Infeksıanyń kóbeıý qaýpin azaıtý úshin:
- 600 myńnan astam adamǵa ataýly áleýmettik kómek taǵaıyndaý;
- múgedektikti belgileý jáne múgedektigi bar 55,5 myń adamǵa járdemaqy tóleý merzimderi avtomatty túrde uzartyldy.