Bul jumystardyń eń irisi áleýmettik qyzmetter portaly bolyp tur. Portal múgedektigi bar adamdarǵa qyzmetter men ońaltý quraldaryn tikeleı ónim berýshiden satyp alýǵa múmkindik beredi.
QR Eńbek jáne halyqty áleýmettik qorǵaý mınıstri Serik Shápkenov halyqqa esep berý kezdesýi barysynda memlekettik qyzmetterdi sıfrlandyrý jáne áleýmettik-eńbek salasyna engiziletin ózge de sıfrlyq sheshimder týraly aıtyp berdi, dep habarlaıdy Almaty-akshamy.kz QR Eńbek jáne áleýmettik qorǵaý mınıstrliginiń baspasóz qyzmetine silteme jasap.
2021 jyldyń basynda memlekettik qyzmetterdiń 91%-y (45 qyzmettiń 41-i) sıfrlandyryldy, olardyń jartysynan astamy – proaktıvti. Aǵymdaǵy jyly kórsetiletin qyzmetter sanyn 93%-ǵa deıin arttyrý josparlanýda.
«Biz sıfrlyq sheshimderdi belsendi engizip, proaktıvti memlekettik qyzmetterdiń bıznes-prosesterin ońtaılandyramyz, kórsetiletin qyzmetterdiń sanyn arttyrý jáne olardy azamattar úshin qoljetimdi etý úshin kezeńder sanyn qysqartamyz. Ótken jyly 12,4 mln qyzmet kórsetildi, onyń jartysynan kóbi, ıaǵnı 7,8 mln.-y – elektrondyq qyzmet», – dep atap ótti Serik Shápkenov.
İske asyrylyp jatqan sıfrlyq jobalardyń biri – múgedektigi bar adamdarǵa qyzmetter men ońaltý quraldaryn tikeleı ónim berýshiden satyp alýǵa múmkindik beretin Áleýmettik qyzmetter portaly, bul eń aldymen qyzmetter sapasynyń ósýine yqpal etedi, sondaı-aq sybaılas jemqorlyq táýekelderin tómendetedi.
2020 jyly múgedektigi bar adamdar portal arqyly 128 myń qyzmetke tapsyrys bergen jáne olardy alǵan, onyń ishinde ońaltý quraldary, jeke kómekshiniń qyzmetteri, ymdaý tili mamanynyń qyzmetteri, sanatorıı-kýrorttyq emdeý bar.
«Sondaı-aq, biz otbasynyń sıfrlyq kartasyn – ómirlik qıyn jaǵdaıda júrgen otbasylardy avtomatty rejımde anyqtaýǵa, olarǵa qajetti keshendi qoldaý sharalaryn proaktıvti túrde kórsetýge, sondaı-aq qoljetimdi ındıkatorlar arqyly otbasynyń áleýmettik jaǵdaıynyń nasharlaýyn boljaýǵa múmkindik beretin jobany jasaý boıynsha jumysty bastadyq», – dedi Eńbek mınıstrliginiń basshysy.
Budan basqa, sıfrlyq jumyspen qamtý ortalyqtaryn kezeń-kezeńimen engizý júrip jatyr.
Birinshi kezeńde 2020 jyly iri qalalardaǵy 17 pılottyq jumyspen qamtý ortalyqtarynyń bazasynda elektrondyq eńbek bırjasy arqyly tórt qyzmetti usyný boıynsha joba iske qosyldy, ol tórt baǵyt: jumys izdep júrgen adamdy tirkeý, jumyssyzdy tirkeý, jumysynan aıyrylǵan jaǵdaıda áleýmettik tólem taǵaıyndaý, sondaı-aq jumyspen qamtýǵa járdemdesýdiń belsendi sharalaryn, onyń ishinde jastar praktıkasyn, qoǵamdyq jumystardy jáne áleýmettik jumys oryndaryn tańdaý.
«2021 jyldyń basynan bastap pılot aıasynda 6,8 myń adam jumysqa ornalastyryldy. Ekinshi kezeńdi biz Elektrondyq eńbek bırjasy arqyly barlyq qazaqstandyqtar úshin halyqty jumyspen qamtý ortalyqtarynyń osy onlaın-qyzmetterin qoljetimdi ete otyryp, 1 mamyrdan bastap iske asyra bastadyq. Biz bıylǵy jyly Jumyspen qamtý qyzmetterine ótinishterdiń keminde jartysy onlaın rejımde bolady dep boljap otyrmyz», – dep atap ótti Serik Shápkenov.
Vedomstvo basshysynyń aıtýynsha, e-HR jobasy – eńbek sharttaryn esepke alýdyń biryńǵaı júıesi belsendi túrde damýda. Búgingi tańda júıede 4,8 mln shart tirkelgen, oǵan 171 myń uıym qosylǵan, bul barlyq jumys isteıtin azamattardyń shamamen 79%-yn quraıdy.
«Bıyl biz eńbek sharttarynyń keminde 85%-yn e-HR júıesimen qamtýdy josparlap otyrmyz, al 2022 jyly barlyq jumys isteıtin halyqty tolyq qamtımyz dep kútemiz. Osylaısha, jumysqa ornalastyrýdy jeńildetýden basqa, ashyqtyq esebinen azamattardyń eńbek quqyqtaryn saqtaýdyń ózekti monıtorıńi qamtamasyz etiledi», – dep túıindedi Serik Shápkenov.