Azamattardy áleumettík qamsyzdandyruǵa arnalǵan shyǵyndar 2021 jyly 3,8 trln teńgege deıín óstí jáne respublıkalyq byudjet shyǵystarynyń 27%-yn qūrady.
Būl turaly halyqqa esep beru kezdesuínde QR Eńbek jáne halyqty áleumettík qorǵau mınıstrí Serík Shápkenov málímdedí, dep habarlaıdy Almaty-akshamy.kz QR Eńbek jáne áleumettík qorǵau mınıstrlígíníń baspasóz qyzmetíne sílteme jasaı otyryp.
Óz sózíníń basynda Eńbekmıníníń basshysy 2020 jyly memlekettíń barlyq áleumettík míndettemelerí tolyq kólemde oryndalǵanyn habarlady. Zeınetaqylar, járdemaqylar uaqytynda tólendí, azamattarǵa áleumettík qoldau sharalary kórsetíldí.
«Ótken jyly áleumettík qamsyzdandyru shyǵyndary 3,4 trln. teńgení qūrady, būl respublıkalyq byudjet shyǵystarynyń 24%-dan astamyn qūraıdy. Áleumettík qater bastalǵan kezeńínde jūmys ísteıtín azamattardy qoldau úshín míndettí áleumettík saqtandyru júıesínen 250 mlrd. teńgeden astam mólsherde tólemder júrgízíldí. Aǵymdaǵy jyly áleumettík qamsyzdandyruǵa arnalǵan byudjet shyǵyndary 3,8 trln. teńgege deıín ósíp, respublıkalyq byudjet shyǵystarynyń 27%-dan astamyn qūrady», – dep habarlady Serík Shápkenov.
Sondaı-aq, ol Memleket basshysynyń tapsyrmasyn oryndau maqsatynda 2020 jyly azamattardy qoldau úshín zeınetaqy tólemderí men memlekettík járdemaqylar mólsherí ekí esege artqanyn atap óttí.
«Yntymaqty zeınetaqynyń ósímí 12% - dy, al bazalyq zeınetaqy men memlekettík járdemaqylardyń ósímí 10%-dy qūrady. 2021 jylǵy 1 qańtardan bastap zeınetaqy men járdemaqy qaıtadan ındeksteldí. Nátıjesínde yntymaqty zeınetaqy 7%-ǵa, bazalyq zeınetaqy men memlekettík járdemaqy 5%-ǵa óstí», – dedí mınıstr.
Sondaı-aq, Memleket basshysynyń tapsyrmasy boıynsha azamattarǵa zeınetaqy jınaqtarynyń bír bólígín tūrǵyn úı jaǵdaılaryn jaqsartuǵa, emdeludyń aqysyn tóleuge nemese jeke kompanıyalardyń basqaruyna beruge maqsatty paıdalanu múmkíndígín beru boıynsha jūmys júrgízíldí.
Zeınetaqy jınaqtarynyń bír bólígín alu qūqyǵyn BJZQ-nyń shamamen 1 mln. salymshysy paıdalana alady. 2021 jylǵy 4 mausymdaǵy jaǵdaı boıynsha 1,4 trln teńge somasyna bírjolǵy zeınetaqy tólemderíne 313,6 myń ótínísh maqūldandy.
«2020 jyly míndettí áleumettík saqtandyru júıesímen jūmys ísteıtín 6,3 mln azamat qamtyldy. 2020 jylǵy 1 qańtardan bastap áleumettík saqtandyru júıesínde eńbek ótílí men áleumettík tólemder mólsherí arasyndaǵy ózara baılanys kúsheıtíldí. Nátıjesínde áleumettík qater tuyndaǵan kezde áleumettík tólemder mólsherí orta eseppen 50%-ǵa arttyryldy. Onyń íshínde eńbek etu qabíletínen aırylu jaǵdaıyna tólemderdíń ósímí 69%-dy, asyraushydan aıyrylu boıynsha 41%-dy jáne jūmystan aıyrylu boıynsha 44%-dy qūrady», – dep tolyqtyrdy Serík Shápkenov.