Múmkindigi shekteýli jandardy qoldaý
Búgin Senat depýtattary múmkindigi shekteýli jandardy qoldaýǵa baǵyttalǵan zań jobasyn qabyldady, dep habarlaıdy Almaty-akshamy.kz 24.kz-silteme jasap.
Qujat kúshine engende, múgedek balalarǵa kútim kórsetip otyrǵan 24 myń azamatqa tólem jasalady. Bıyl bul soma 48 myń teńgeni quraıdy. Sondaı-aq 7 men 16 jas aralyǵyndaǵy balalardy birneshe topqa bólý kózdelgen. Sonyń arqasynda 30 myń jasóspirim qajetti ońaltý sharalarymen qamtylmaq. Olarǵa beriletin járdemaqy kólemi de múgedektik sanatyna baılanysty 17 myń teńgege deıin kóteriledi.
Jańa qujatqa sáıkes, asyraýshysynan aıyrylǵan 2 myń múgedek balaǵa arnaıy járdemaqy tólenedi. Sonymen qatar kámelettik jasqa tolǵan múmkindigi shekteýli jastardyń úı kezeginde turý merzimin de uzartý kózdelgen. Sebebi olardyń basym bóligi 18 jasqa deıin memleketten baspana alyp úlgirmeıdi.
Máýlen Áshimbaev, QR Parlamenti Senatynyń Tóraǵasy: - Qabyldanǵan zań múmkindigi shekteýli azamattardyń, onyń ishinde balalardyń jaǵdaıyn jaqsartýǵa, áleýmettik teńsizdikterdi joıýǵa, qoldanystaǵy áleýmettik qamsyzdandyrý júıesin odan ári jetildirýge arnalǵan. Aldaǵy ýaqytta osy zań múmkindigi shekteýli azamattarymyzdyń quqyqtaryn qamtamasyz etýge, olardyń ómir súrý sapasyn jaqsartýǵa oń áserin tıgizedi dep senemiz.