Balabaqshalar, mektepter, ınklúzıvti bilim berý – Nur Otan partıasy qandaı ýádelerdi oryndady
Máselen, Almatyda Nur Otan partıasynyń Jol kartasyn iske asyrý aıasynda 2021 jyly 4658 oryndyq 72 jeke balabaqsha salyndy, 4150 oryndyq 9 mekteptiń qurylysy aıaqtalyp, 4 mekteptiń jóndeý jumystary bitti. Sondaı-aq, ınklúzıvti bilim berý úshin múmkindikter jasaǵan mektepterdiń úlesi 80%-ǵa deıin ósti, al ákimdikpen elektrondy túrde usynylatyn memlekettik qyzmetterdiń úlesi 92%-ǵa jetti.
Partıa músheleri Jol kartasy tarmaqtarynyń oryndalmaý táýekelderine jedel nazar aýdarýda. Nur Otan depýtattyq fraksıasynyń bekitilgen 28 múshesi men 11 óńirlik qoǵamdyq keńes barlyq ındıkatorlardyń iske asyrylý barysyna júıeli baqylaý júrgizedi. Partıanyń qalalyq fılıaly janyndaǵy óńirlik qoǵamdyq keńester 55 otyrys ótkizip, onda Jol kartasynyń 84 pýnkti qaraldy
Budan bólek, partıanyń depýtattyq fraksıasy qalanyń tynys-tirshiliginiń barlyq salalaryna belsendi qatysady. Partıalyq baqylaýda 99 ınjenerlik jáne áleýmettik ınfraqurylym nysandary bar. Jyl basynan beri quramyna "nurotandyqtar" engen monıtorıńtik toptar 180-nen astam tekserýdi júzege asyrdy. Sonymen qatar partıanyń qalalyq fılıaly tóraǵasynyń tapsyrmasymen qurylǵan «Halyqtyq baqylaý» bastamashyl tobyna 132 belsendi qala turǵyny engen. Olar salynyp jatqan nysandardaǵy barlyq buzýshylyqtar men problemalar týraly partıaǵa birden habarlaıdy.
Sonymen qatar, monıtorıń qorytyndysy boıynsha, Jol kartasynyń keıbir is-sharalarynyń oryndalmaý qaýpi anyqtaldy. Biz partıa múshelerimen jáne jergilikti memlekettik organdardyń ókilderimen birlesip, Saıası keńes Búrosynyń qorytyndysy boıynsha Jol kartasy aıasyndaǵy táýekel is-sharalardy qarjylandyrý máselelerin qaradyq jáne osy tarmaqtar boıynsha sheshý joldaryn ázirledik. Máselen, problemalyq máseleler boıynsha jeke is-qımyl jospary qurylatyn bolady.
Meıirjan Otynshıev, Nur Otan partıasynyń Almaty qalalyq fılıaly tóraǵasynyń birinshi orynbasary