İzdestirý-qutqarý, apattan qutqarý jumystaryn júrgizý daǵdylaryn jetildirý jáne jedel qutqarý jasaqtary arasyndaǵy ózara is-qımyldy pysyqtaý
Almaty oblysynda QR Tótenshe jaǵdaılar mınıstri Iýrıı Ilınniń basshylyǵymen «Qazqutqarý-2021» qutqarý kópsaıysy jáne áskerı-qutqarý úshsaıysy boıynsha jarystardyń ashylý rásimi ótti, dep habarlaıdy Almaty-akshamy.kz.
Jarysqa Qazaqstan, Ózbekstan jáne Qyrǵyzstan TJM qutqarý bólimsheleri jáne QR azamattyq qorǵanys áskerı bóliminiń áskerı qyzmetshi-qutqarýshylary qatysyp jatyr.
Jarys 3 qashyqtyqty, atap aıtqanda «Tehnogendik apattar jaǵdaıyndaǵy izdestirý-qutqarý jumystary» dıstansıasy, «Akvatorıada izdestirý-qutqarý jumystary» qashyqtyǵy, «Tabıǵı orta jaǵdaıyndaǵy izdestirý-qutqarý jumystary» dıstansıasy qamtıdy.
Birinshi kúni qatysýshylar «Tehnogendik apattar jaǵdaıyndaǵy izdestirý-qutqarý jumystary» qutqarý kópsaıysy boıynsha qashyqtyqtar men «Kros» jáne «Keshendi kúshtik jattyǵýlar» áskerı-qutqarý úshsaıysy boıynsha synnan ótedi.
Jarystar 23-27 qyrkúıek aralyǵynda ótedi.