Senattyń Áleýmettik-mádenı damý jáne ǵylym komıtetiniń depýtattary keńeıtilgen otyrys ótkizdi.
Onda múgedek adamdardyń ómir súrý sapasyn jaqsartý máseleleri jónindegi zań jobasyn talqylady, dep habarlady Almaty-akshamy.kz 24.kz-ke silteme jasap.
Senattyń baspasóz qyzmetiniń málimetinshe, qujattyń maqsaty múgedek adamdardy áleýmettik qorǵaý salasyndaǵy zańnamany jetildirý, sondaı-aq bizdiń elimiz ratıfıkasıalaǵan Konvensıadan halyqtyń tıisti tobynyń quqyqtary týraly kemsitýshilik termınologıasyn alyp tastaý, zańnamadaǵy olqylyqtyń ornyn toltyrý jáne múgedek adamdardyń ómir súrý sapasy máselelerin retteıtin normalardy sáıkestendirý bolyp tabylady.
Zań qabyldanǵan jaǵdaıda áleýmettik qyzmet kórsetý salasyndaǵy memlekettik saıasat jetildirile túsedi. Zań jobasy sonymen qatar múgedektikti belgileý men ekonomıkalyq derbestikti keńeıtý úshin medısınalyq-áleýmettik saraptamadan ótý kezinde sybaılas jemqorlyq táýekelderin tómendetýge, sondaı-aq ońaltý qyzmetterin jetildirýge yqpal etedi.
Zań jobasyna Qazaqstan Respýblıkasy Parlamentiniń depýtattary bastamashy boldy jáne múgedek adamdardyń ómir súrý sapasyn jaqsartýǵa baǵyttalyp otyr.
Zań jobasynda múgedek adamdardy jáne halyqtyń júrip-turýy shekteýli basqa da toptaryn tasymaldaý úshin turaqty qalalyq tasymalǵa daıyndaýshy zaýyt beıimdep jasaǵan avtobýstardy satyp alý jónindegi mindetti talapty engizý, úshinshi toptaǵy múgedek adamdardy quqyqtyq jáne tehnıkalyq sıpattaǵy notarıattyq isterdi jasaý kezinde jeke notarıýstardyń qyzmetine aqy tóleýden bosatý jáne basqa da jańalyqtar bar. Senatorlar komıtettiń keńeıtilgen otyrysynyń qorytyndysy boıynsha zań jobasyn Palatanyń qaraýyna berý týraly sheshim qabyldady.