Búgin Senattyń jalpy otyrysynda halyqtyń tabysyn arttyrý baǵdarlamasy talqylandy.
Biraq buqaralyq aqparat quraldary qyzmetkerleriniń jalaqysyna qatysty jospar joq. Senator Nurtóre Júsip osy máselege basa nazar aýdarýdy surady, dep habarlaıdy Almaty-akshamy.kz
Sebebi qazirgi reformalardyń sátti iske asýy ony halyqqa durys túsindirý jumystaryna tikeleı baılanysty.
Senat depýtaty Nurtóre Júsip Úkimetti buqaralyq aqparat quraldary qyzmetkerleriniń jalaqysyn kóterýge úndedi.
«Sapaly habar, paıdaly aqparat bárimizge kerek. Biraq BAQ salasyndaǵy qyzmetkerlerdiń eńbekaqysy respýblıka boıynsha ortasha kórsetkishten de tómen, 202 myń ǵana. Jýrnalıser ne búdjet salasynyń qyzmetkerlerine jatpaıdy, ne komersıaǵa jatpaıdy. Biraq qolymen de, mıymen de jumys isteıtin adamdardy, bálkim, óndiris qyzmetkerleri dep, óndiristik talaptarǵa saı qarjylandyrý kerek shyǵar degen usynysym bar», - dedi Júsip.
Senator buqaralyq aqparat quraldarynda jýrnalıser ǵana emes, operator, beıneınjener, montajerler men jaryqpen jumys isteıtin mamandar da jumys istep jatqanyn eske saldy. Barlyǵy bir judyryq bolyp, barlyq reformany halyqqa jetkizýge tyrysyp otyrady.
«Barlyǵynyń jalaqysy óte tómen. Sondyqtan biz reformalar jaqsy júrsin desek, birinshi kezekte buqaralyq aqparat salasy qyzmetkerleriniń jalaqysyn durystaýymyz kerek. Anaý Nartaıdyń aılyǵy men Poznerdiń aılyǵyn salystyrsańyz, jer men kókteı», - dep atap ótti Júsip.