Sol sebepti jobany oryndaý kelesi jylǵa qalyp otyr.
Almaty ákimdigi qaladaǵy sýmen jabdyqtaý jáne sý burý qurylysyna qatysty óz mindettemelerin durys atqarmaǵan kompanıamen kelisimshartty buzdy. Bul týraly Almaty ákimi Erbolat Dosaev Jetisý aýdany turǵyndarymen kezdesý barysynda aıtty, dep habarlaıdy Almaty-akshamy.kz.
Ákimniń aıtýynsha, qazir aýdanda sýmen jabdyqtaý jáne sý burý - ózekti máselelerdiń biri. Ásirese, «Kemel» shaǵynaýdanynda asa mańyzdy.
«2021 jyldyń qyrkúıeginde sýmen jabdyqtaý jáne sý burý jelilerin salý úshin merdiger anyqtaldy. Alaıda, ol óz mindetterin durys oryndamady. Sondyqtan biz shartty sot arqyly buzýǵa májbúr boldyq. Sol sebepti jobany oryndaý kelesi jylǵa qalyp otyr», - deıdi qala ákimi.
Sonymen qatar, ol atalǵan shaǵynaýdandaǵy árbir jeke úıge turaqty elektr energıasy tartylyp, qalalyq jelige qosylatynyn málimdedi.
«2022 jyly «Kemel» shaǵynaýdanyndaǵy elektr jelilerin rekonstrýksıalaý jumystary bastalǵanyn aıta ketkim keledi. Osy jumystar aıaqtalǵannan keıin «Kemel» shaǵynaýdanyndaǵy árbir jeke úıge turaqty elektr energıasy tartylyp, qalalyq jelige qosylatyn bolady», – dedi Erbolat Dosaev.