QR Ekologıa, geologıa jáne tabıǵı resýrstar mınıstri 2022 jylǵy 20 mamyrdaǵy buıryǵymen janýarlarǵa jaýapty qaraý salasynda qoǵamdyq baqylaý júrgizý qaǵıdalaryn bekitti
Erejege sáıkes, janýarlarǵa jaýapty qaraý salasyndaǵy qoǵamdyq baqylaýdy qoǵamdyq ınspektorlar men komersıalyq emes uıymdar júzege asyrady, olardyń jarǵysynda atalǵan qyzmetti júzege asyrý qaǵıdalary qarastyrylǵan, dep habarlaıdy Almaty-akshamy.kz
Qoǵamdyq baqylaý óteýsiz jáne erikti negizde janýarlardy ońaltý ortalyqtarynda, aýlaý qyzmetterinde, janaspaly haıýanattar baqtarynda, janýarlarǵa arnalǵan baspanalarda, zoologıalyq pıtomnıkter men qonaq úılerde, janýarlardy ýaqytsha ustaý pýnktterinde, jyljymaly menagerlerde, sırkterde, haıýanattar parkterinde júrgiziledi.
Qoǵamdyq baqylaýdy júzege asyrý kezinde janýarlarǵa jaýapty qaraý salasyndaǵy ınspektorlar men komersıalyq emes uıymdarǵa janýarlardy ýaqytsha ustaý pýnktteriniń, janýarlarǵa arnalǵan panalardyń jáne janýarlarǵa qaraý jónindegi qyzmetti júzege asyratyn basqa da uıymdardyń aýmaǵyna, úı-jaılaryna kirý qamtamasyz etiledi.
Buıryq 2022 jylǵy 24 shildeden bastap qoldanysqa engiziledi.