Kýágerler balanyń oınap júrgen jerden kenet kórinbeı ketkendigin baıqaǵan.
Semeıde Ertis ózenine 6 jasar bala aǵyp ketti, dep habarlaıdy Almaty-akshamy.kz.
Oqıǵa 21 sáýir kúni keshke qaraı bolǵan. Saǵat 19: 56-da qutqarý qyzmeine jasóspirimniń joǵalyp ketkendigi týraly habar kelip túsken. Qutqarýshylar atalǵan jerge jedel jetip izdestirý jumystaryn júrgizgen. Qaladaǵy eriktiler men turǵyndar da jumyldyryldy.
Ókinishke oraı, búgin tańǵy 9:45 te er balanyń óli denesin oqıǵa ornynan 15 shaqyrym jerden ótip bara jatqan adamdar taýyp alǵan.
«Sý obektilerindegi qaýipsizdik erejelerin saqtamaý jáne sý obektileriniń janynda balalardyń kóńil kóterýi qaýipke ákelýi múmkin ekenin eske salamyz, sondyqtan eresekterdiń mindeti – ár balany qorǵaý! Óte muqıat bolyńyz, balalaryńyzdy qaraýsyz qaldyrmańyz! Balalarǵa sý obektileriniń janynda jáne ózen jaǵasynda bolý qanshalyqty qaýipti ekenin túsindirińiz! Qazir Shúlbi sý qoımasynan sý aǵynynyń joǵarylaýyna baılanysty Ertis ózeniniń deńgeıi kóterilip, aǵys kúsheıgen. Osyǵan baılanysty balalardy jaǵalaýda eresekterdiń qaraýynsyz qaldyrý qaýipti», – deıdi Abaı oblysy TJD baspasóz qyzmeti.