Jetisý oblysynda 300-den asa moped pen samokat júrgizýshilerine aıyppul salyndy
Jetisý oblysynda 3 kún ishinde 300-den asa moped pen samokat júrgizýshilerne aıyppul salyndy, dep habarlaıdy Almaty-akshamy.kz.
Oblystyq polısıa departamenti baspasóz qyzmetiniń málimetinshe, 12 adam tynyshtyqty buzǵan, 11 júrgizýshi tehnıkalyq baqylaýdan ótpegen, 53-i jol erejesin saqtamaǵan, sondaı-aq birqatary baǵdarshamnyń qyzyl túsine júrý syndy ózge de zań buzýshylyqtarǵa jol bergen.
Jetisý oblysynyń avtojoldarynda polıseıler motosıkl, skýter jáne moped júrgizýshileriniń qatysýymen bolatyn oqys oqıǵalardyń aldyn alý jumystaryn kúsheıtti. Tek sońǵy úsh kúnde patrúldik polısıa qyzmetkerleri 301 ereje buzýshyny jaýapqa tartty.
«Qazirgi ýaqytta kóliktiń bul túrin paıdalaný bizdiń oblys turǵyndary arasynda óte kóp. Jol qozǵalysy erejeleri barlyǵyna birdeı. Olardy saqtaý skýter, elektrskýteri, moped jáne motosıkl júrgizýshileri úshin de birdeı mindet. Ádette, jol qaýipsizdigi talaptaryn elemeýdiń saldary qaıǵyly jaǵdaılarǵa ákelip soǵady. Osyǵan baılanysty polısıa óńirde jolda júrý erejesin buzýshylyqtardy eskertý jáne aldyn alýǵa baǵyttalǵan «Motosıkl» profılaktıkalyq is-sharasyn ótkizýge bastamashy boldy», – dedi Jetisý oblysy polısıa departamenti Jol polısıasy basqarmasynyń bastyǵy Qaısar Muhmetov.
Belgili bolǵandaı, quqyq buzýshylardyń kóbi Taldyqorǵan qalasynda anyqtaldy. Baǵdarsham sıgnalyna qaramaı ótý, manevr jasaý, jaıaý júrginshilerge basymdyq bermeý, túngi ýaqytta tynyshtyqty buzý, mas kúıinde júrgizý, jol-kólik oqıǵasyn týdyrý jáne motoshlemdi kımeý sıaqty buzýshylyqtar jıi kezdesedi.