Premer-mınıstr Oljas Bektenov Abaı oblysyndaǵy «Semeı ormany» tabıǵı rezervatynda júrgizilip jatqan qalpyna keltirý jumystaryn tekserdi, dep habarlaıdy aqshamnews.kz
Osy sapary barysynda ol ótken jyly órtenip ketken 66 myń gektar aýmaqty qalpyna keltirý jáne aldaǵy ýaqytta orman órtteriniń aldyn alý boıynsha sharalardy kúsheıtý qajettigin atap ótti.
Premer-mınıstr aýmaqtyń jańa ósimdiktermen qalpyna keltirilýiniń jáne orman tálimbaǵy keshenderiniń jumysyn baǵalady. Ondaǵy zamanaýı tehnologıalar arqyly jylyna úsh mıllıonǵa deıin qaraǵaı kósheti ósiriledi eken. Sondaı-aq, órtengen orman alqaptaryndaǵy kúıgen aǵashtardy joıý jáne qaıta óńdeý jobalaryna ınvestısıalar tartylyp, ol arqyly jańa jumys oryndary ashylyp, ekologıalyq turaqtylyqty saqtaý jolǵa qoıylǵan.
Bektenov sonymen qatar zańsyz aǵash kesýmen kúresti kúsheıtý qajettigin aıtty, bul qylmystyq toptarmen belsendi kúresýdi talap etedi. Ol ishki ister mınıstrligi men ulttyq qaýipsizdik komıtetiniń bul baǵyttaǵy jumystaryn kúsheıtý kerektigin basa kórsetti.
Bul jumystardyń bári Qazaqstan úshin ulttyq mańyzy bar ekologıalyq tazalyqty jáne orman qorǵaýyn saqtaýǵa baǵyttalǵan.