Aǵymdaǵy jyldyń 25 shilde kúni Almaty qalasynda «Tilder saıabaǵy» qalalyq áleýmettik, ashyq aspan astyndaǵy qazaq tilin jáne shet tilderin tegin oqytý boıynsha jobanyń ashylý saltanaty ótti, dep habarlaıdy aqshamnews.kz.
«Tilder saıabaǵy» jobasy Almaty qalasy Jastar saıasaty basqarmasynyń qoldaýymen Volonterler front-ofısimen júzege asyrylýda.
Joba Almatynyń barlyq aýdandaryn qamtıdy jáne taza aýada shet tilderin úırenýge biregeı múmkindik bere otyryp, 8 iri saıabaqtarda júzege asatyn bolady.
Ashylý saltanatyna Almaty qalasy ákiminiń orynbasary Azamat Qaldybekov, Almaty qalasy Jastar saıasaty basqarma basshysynyń mindetin atqarýshy Azız Kajdenbek, Almaty qalasynyń máslıhat depýtattary, úkimettik emes uıym ókilderi, qoǵamdyq keńes músheleri jáne belsendi qala jastary qatysty.
«Joba Almatynyń barlyq aýdandaryn qamtı otyra, taza aýada shet tilderin úırenýge biregeı múmkindik beredi. Oǵan qosa, 8 iri saıabaqta iske asyrylatyn bolady. Sabaqtar jaz mezgilinde aptasyna 3 ret ótkiziledi jáne 6 jastan 60 jasqa deıingi barlyq jastaǵy qatysýshylar úshin ashyq. Oqý aıaqtalǵannan keıin jobaǵa qatysýshylarǵa sertıfıkat beriledi. Qyrkúıek aıynda biz suranysqa ıe toptarǵa arnap jobany komúnıtı ortalyqtarda júzege asyrýdy jalǵastyrýdy josparlap otyrmyz. Aıta keteıin, Almatyda jylyna jastarǵa arnalǵan 1000-nan asa ekologıalyq, tegin kýrstar, mádenı jáne sporttyq sharalar turaqty túrde ótip turady. Bul jobalardyń barlyǵy jastardy qalanyń mádenı-qoǵamdyq ómirine tartyp, olardyń jeke damýyna yqpal etip jáne bos ýaqytyn tıimdi ótkizýge baǵyttalǵan» - dedi Almaty qalasy Jastar saıasaty basqarma basshysynyń mindetin atqarýshy Azız Kajdenbek.
Baǵdarlama sheńberinde tildi meńgerý deńgeıin kórsetetin kýrstardy aıaqtaǵannan keıin sertıfıkattar bere otyryp, qazaq tilin qosa alǵanda, 8 til boıynsha kýrstar usynylady. Kúzgi jáne qysqy ýaqytta eń belsendi toptar úshin tegin oqytý aýdannyń komúnıtı ortalyqtary bazasynda jalǵastyrylatyn bolady. Osylaısha, jyl boıy oqytýdy uıymdastyrý josparlanýda. Aıta keteıik, sabaqtar qala turǵynadaryna yńǵaıly bolý úshin, barlyq aýdandarda qatar júzege asady.
Ár aýdan boıynsha aqparatty tómendegi kesteden kóre alasyzdar.
