Búginde Almatyda jataqhanalardyń jetispeýshiligi eń ózekti máselelerdiń biri.
Aǵymdaǵy jyly qalada jeke ınvestısıalar esebinen 4 010 tósek-orynǵa arnalǵan 7 jataqhananyń qurylysy júrgizilýde, dep habarlaıdy aqshamnews.kz.
Mysaly, jańa oqý jylynda 130 tósek-orynǵa arnalǵan stýdenttik jataqhana ashylady, onda pedagogıkalyq mamandyǵy bar ulttyq joǵary oqý oryndarynyń stýdentteri turatyn bolady. Zamanaýı barlyq jaǵdaıy jasalǵan jataqhana burynǵy ǵımaratty qaıta qurý arqyly jasaldy.
Qurylys-montajdaý jáne árleý jumystary aıaqtaldy. Barlyq qajetti jıhazdar men jabdyqtar satyp alyndy. Nysan aǵymdaǵy jyldyń tamyz aıynda paıdalanýǵa beriledi.
Stýdentterdi jataqhanaǵa ornalastyrý tamyz aıynyń ortasynda josparlanýda.
Jataqhana ornalasqan mekenjaıy: Almaty aýd., Jumalıev sh/a, 28.