Jaqynda jýrnalıs Aıan Qalmurat gúl dúkeniniń ataýyna erekshe usynys tastap, Threads jelisinde jarıalaǵan edi. Áleýmettik jeli qoldanýshylaryna bul oı unap, jazba lezde tarap ketti. Aqshamnews.kz tilshisi trendke aınalǵan ıdeıa avtorymen suhbattasty.
Aıan Qalmurattyń aıtýynsha, ol jıi qıaldap, oıǵa kelgen dúnıeni dostaryna aıtyp júredi. "Sebep-siz" de aıaq asty týǵan shabyt.
"Sebepsiz" degen oı gúl dúkeni qasynan ótip bara jatqanda sap ete qaldy. Sony Threads-ke jaza salǵanmyn", – deıdi ol.
Ideıa avtorynyń reaksıasy qandaı boldy?
Jazba 2 apta ishinde 300 myń qaralym, 18 myńǵa jýyq laık jınaǵan.
"Má kúshti dedim. Trendke aınalatynyn bilmedim. Keıin dostarym, tanystarym jibere bastaǵanda baıqadym. Kúshti-kúshti dedim", – dedi Aıan.
Endi ıdeıa halyqtiki
Jaqynda Qosshydan bir kásipker Aıanǵa habarlasyp, "gúl dúkenin ashqaly jatyrmyz, "Sebep-siz" ataýyn qoldansaq bola ma?" dep suraǵan.
"Árıne dep, qýana kelistim. Shyn júrekten tabysty bolýyn tileımin", – deıdi ol.
Avtor ıdeıany satpaǵanyn jáne el arasynda sebepsiz qýanysh syılaıtyn trendke aınalǵanyna rıza ekenin jetkizdi.
"Kún saıyn jelide myńdaǵan adam túrli ıdeıa usynyp, oıyn ortaǵa salyp jatady. Qyzyq aýdıolar men oralymdar trendke, memge aınalady. Sebepsiz de sonyń bir kórinisi. Eshkim mynany men bastap edim dep buldaı almaıdy. Endi ıdeıa aýdıtorıaǵa tıesili", – deıdi jýrnalıs.
Búginde bul trend kóp qyzdyń júregin jaýlady. Jigitter súıiktilerine sebepsiz gúl syılap, hatqa "sebep - siz" dep jazyp, joldap jatyr.
Al Aıan Qalmurattyń aıtýynsha, "sebep-siz" – endi kópshilikke ortaq ıdeıa.